గూగుల్ ట్రెండ్స్ 2019.. అదరగొట్టిన ప్రభాస్, రాంచరణ్, రామ్, దేవరకొండ మూవీస్!

ప్రతి ఏటా గూగుల్ సంస్థ సెర్చ్ లో అగ్రస్థానంలో నిలిచిన ప్రముఖులు, చిత్రాలు, వివిధ అంశాలని విడుదల చేస్తూ ఉంటుంది. సౌత్ ఇండియాలో ఎక్కువగా సెర్చ్ చేయబడ్డ టాప్ 10 చిత్రాల జాబితాని గూగుల్ ఇండియా విడుదల చేసింది. ఈ జాబితాలో టాలీవుడ్ నుంచి నాలుగు చిత్రాలు టాప్ 10లో చోటు దక్కించుకున్నాయి. 

సాహో (ప్రభాస్) : టాప్ గూగుల్ సెర్చ్ లో సాహో చిత్రం అగ్రస్థానంలో నిలిచింది. ఇందులో ఎలాంటి ఆశ్చర్యం లేదు. దాదాపు 300 కోట్ల భారీ బడ్జెట్ లో తెరకెక్కిన ఈ చిత్రం కోసం దేశం మొత్తం ఎదురుచూసింది. కానీ సినిమా తీవ్రంగా నిరాశపరిచింది.

కెజిఎఫ్ (యష్) : 2018 చివర్లో విడుదలైన కన్నడ చిత్రం దేశవ్యాప్తంగా సంచలనం సృష్టించింది. యష్ హీరోగా నటించిన ఈ చిత్రం సౌత్ గూగుల్ సెర్చ్ లో రెండవ స్థానంలో నిలిచింది.

కాంచన 3 ( రాఘవ లారెన్స్): లారెన్స్ కాంచన 3 చిత్రం గూగుల్ ట్రెండ్స్ లో 3వ స్థానాన్ని కైవసం చేసుకుంది.

విశ్వాసం (అజిత్) : అజిత్ కు ఉన్న క్రేజ్ గురించి ప్రత్యేకంగా చెప్పనవసరం లేదు. విశ్వాసం మూవీ సౌత్ గూగుల్ సెర్చ్ లో 4వ స్థానంలో నిలిచింది

పేట (రజనీకాంత్ ): సూపర్ స్టార్ రజనీకాంత్ పేట చిత్రం ఐదవ స్థానాన్ని సొంతం చేసుకుంది.

బిగిల్ (విజయ్) : ఇటీవల విడుదలైన ఇళయదళపతి విజయ్ బిగిల్ చిత్రం గూగుల్ ట్రెండ్స్ లో 6 వ స్థానాన్ని సొంతం చేసుకుంది.

ఇస్మార్ట్ శంకర్ (రామ్ పోతినేని): ఎనెర్జిటిక్ స్టార్ రామ్ నటించిన ఇస్మార్ట్ శంకర్ చిత్రం బ్లాక్ బస్టర్ హిట్ గా నిలిచింది. ఈ చిత్రం సౌత్ ఇండియా గూగుల్ సెర్చ్ లో 8వ స్థానాన్ని సొంతం చేసుకోవడం విశేషం.

వినయ విధేయ రామ( రాంచరణ్) రాంచరణ్, బోయపాటి క్రేజీ కాంబోలో వచ్చిన విజయవిధేయ రామ చిత్రం డిజాస్టర్ గా నిలిచింది. అయినా కూడా ఈ చిత్రంలో గూగుల్ ట్రెండ్స్ లో 9వ స్థానాన్ని దక్కించుకుంది.

అసురన్ (ధనుష్) : హీరో ధనుష్ నటించిన సూపర్ హిట్ చిత్రం అసురన్ 10వ స్థానంలో నిలిచింది.

డియర్ కామ్రేడ్ (విజయ్ దేవరకొండ) : రౌడీ హీరో విజయ్ దేవరకొండ క్రేజ్ ఇలాంటిదో మరోమారు రుజువైంది. బాక్సాఫీస్ వద్ద అంతగా ప్రభావం చూపని డియర్ కామ్రేడ్ మూవీ గూగుల్ సెర్చ్ లో 7వ స్థానాన్ని సొంతం చేసుకోవడం విశేషం.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి