ఈ హీరోయిన్ల తొలి చిత్రాల గురించి తెలుసా.. డిజాస్టర్స్ తో టాలీవుడ్ ఎంట్రీ!

చిత్ర పరిశ్రమలోకి అడుగుపెట్టే హీరోయిన్లు తమ తొలి చిత్రపై చాలా ఆశలు పెట్టుకుంటారు. తొలి చిత్రం విజయం సాధిస్తే మరిన్ని అవకాశాలు వస్తాయని భావిస్తారు. అలా డిజాస్టర్ చిత్రాలతో హీరోయిన్లుగా ఎంట్రీ ఇచ్చిన నటీమణులు చాలా మందే ఉన్నారు. 

విద్యాబాలన్ :విద్యాబాలన్ తెలుగులో నటించిన తొలి చిత్రం ఎన్టీఆర్ బయోపిక్. ఎన్టీఆర్ కథానాయకుడు, ఎన్టీఆర్ మహానాయకుడు రెండు భాగాలుగా భారీ అంచనాల నడుమ విడుదలైన ఎన్టీఆర్ బయోపిక్ తీవ్రంగా నిరాశపరిచింది. ఈ చిత్రంలో విద్యాబాలన్ ఎన్టీఆర్ సతీమణి బసవతారకం పాత్రలో నటించింది.

శ్రద్దా కపూర్ :బాలీవుడ్ స్టార్ హీరోయిన్ శ్రద్దా కపూర్ సౌత్ లో నటించిన ఏకైక చిత్రం సాహో. బాహుబలి తర్వాత ప్రభాస్ నటించిన చిత్రం కావడంతో కనీవినీ ఎరుగని అంచనాలు ఈ వినిమాపై నెలకొన్నాయి. అంచనాలని తలకిందులు చేస్తూ సాహో నిరాశపరిచింది.

మాళవిక శర్మ : యంగ్ బ్యూటీ మాళవిక శర్మ నటించిన తొలి చిత్రం నేల టికెట్టు. తొలి చిత్రంతోనే రవితేజ లాంటి స్టార్ సరసన నటించే ఛాన్స్ దక్కించుకుంది. కానీ నేల టికెట్టు చిత్రం ఊహించే విధంగా డిజాస్టర్ గా నిలిచింది.

రుక్సార్ థిల్లోన్ : నాని నటించిన కృష్ణార్జున యుద్ధం చిత్రంతో రుక్సార్ టాలీవుడ్ కు పరిచయమైంది. కానీ కృష్ణార్జున యుద్ధం బాక్సాఫీస్ వద్ద బోల్తా కొట్టింది.

నిధి అగర్వాల్ : హాట్ నెస్ తో అదరగొడుతున్న నిధి అగర్వాల్ కూడా ఫ్లాప్ మూవీ తోనే ఎంట్రీ ఇచ్చింది. నిధి తెలుగులో నటించిన తొలి చిత్రం సవ్యసాచి.

మేఘా ఆకాష్ : తమిళ బ్యూటీ మేఘా ఆకాష్ లై చిత్రంతో టాలీవుడ్ కు పరిచయమైంది. నితిన్ సరసన నటించిన ఈ చిత్రం మేఘా ఆకాష్ కు నిరాశనే మిగిల్చింది.

మంజిమ మోహన్ : నాగ చైతన్య సరసన నటించిన సాహసం శ్వాసగా సాగిపో చిత్రంతో మలయాళీ భామ మంజిమ మోహన్ తెలుగు చిత్ర పరిశ్రమకు పరిచయమైంది. ఈ చిత్రం ఆశించిన ఫలితాన్ని ఇవ్వలేదు.

శృతి హాసన్ : శృతి హాసన్ తెలుగులో నటించిన ఫస్ట్ మూవీ అనగనగా ఓ ధీరుడు. ఫిక్షన్ డ్రామాగా తెరకెక్కిన ఈ చిత్రం డిజాస్టర్ గా నిలిచింది.

అమలాపాల్ : అమలాపాల్ తెలుగులో నటించిన తొలి చిత్రం బెజవాడ. ఈ చిత్రం ప్రేక్షకులని మెప్పించలేకపోయింది.

పూజా హెగ్డే: ప్రస్తుతం టాలీవుడ్ ని దున్నేస్తున్న క్రేజీ హీరోయిన్ పూజా హెగ్డేకు కూడా కెరీర్ ఆరంభంలో పరాజయాలు తప్పలేదు. పూజా హెగ్డే నటించిన ఫస్ట్ మూవీ ఒక లైలా కోసం. ఆ చిత్రం పరాజయం చెందింది.

దిశా పటాని : దిశా పటాని తెలుగులో నటించిన ఏకైక చిత్రం లోఫర్. ఈ చిత్ర ఫ్లాఫ్ తర్వాత దిశా తెలుగులో మళ్ళీ కనిపించలేదు.

పంజా: పవన్ కళ్యాణ్ పంజా చిత్రంతో సారా జేన్ డయాస్ హీరోయిన్ గా పరిచయమైంది. కానీ పంజా నిరాశపరిచిన సంగతి తెలిసిందే.

కృతి సనన్ : కృతి సనన్ తొలి చిత్రంతోనే మహేష్ సరసన నటించే అవకాశం దక్కించుకుంది. ఆమె నటించిన డెబ్యూ మూవీ 1 నేనొక్కడినే ప్రేక్షకుల అంచనాలని అందుకోలేకపోయింది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి