హీరో నిఖిల్ ఎంగేజ్మెంట్.. కుందనపు బొమ్మలా పెళ్లికూతురు (ఫోటోలు)

First Published Feb 10, 2020, 4:31 PM IST

ఈరోజు (ఫిబ్రవరి 10) బెంగుళూరులో తాజ్ వెస్టెండ్‌ హోటల్ లో జేడీఎస్ మాజీ సీఎం కుమారస్వామి తనయుడు నిఖిల్, రేవతిల నిశ్చితార్ధం జరిగింది.

ఆదివారం నాడు కుమారస్వామి బెంగుళూరులో తన నివాసంలో నిఖిల్ ఎంగేజ్మెంట్ గురించి మీడియాతో మాట్లాడారు. వేడుకకి సంబంధించిన అన్ని ఏర్పాటు చేశామని అన్నారు.

అన్ని పార్టీల నాయకులు, ఎమ్మెల్యేలు, ప్రముఖులు ఇలా సుమారు నాలుగైదు వేల మంది ఈ వేడుకలో పాల్గొనబోతున్నారు. నిఖిల్ పెళ్లిని చాలా ఘనంగా నిర్వహించాలని అనుకున్నానని.. కుమారస్వామి తెలిపారు.

ఈ పెళ్లిపై తను ఎన్నో ఆశలు పెట్టుకున్నానని.. నటునిగా, రాజకీయనేతగా తన కుమారుడిని ఆశీర్వదించిన వారందరినీ ఈ పెళ్లికి ఆహ్వానిస్తానని.. రామనగర-చెన్నపట్టణ మధ్యలో వివాహం నిర్వహిస్తామని.. దీనికి తగ్గ ఏర్పాట్లు జరుగుతున్నాయని చెప్పారు.

ఇంతకీ నిఖిల్ పెళ్లి చేసుకోబోతున్న రేవతి ఎవరో తెలుసా..? బెంగుళూరుకి చెందిన రేవతి మాజీ కాంగ్రెస్ లీడర్, మినిస్టర్ ఎం. కృష్ణప్పకి మనవరాలి వరస అవుతుంది.

ఇరు కుటుంబసభ్యులకు మధ్య సత్సంబంధాలు ఉండడంతో కృష్ణప్ప కుటుంబానికి చెందిన అమ్మాయిని తన ఇంటి కోడలిగా చేసుకుంటున్నారు కుమారస్వామి.

రేవతి ఎంసిఏ చదువు పూర్తి చేసింది. రేవతి తల్లితండ్రులు మంజు, శ్రీదేవిలు రియల్ ఎస్టేట్ బిజినెస్ లో పేరు గాంచారు. ప్రస్తుతం ఈమె తన కుటుంబానికి చెందిన వ్యాపారాలు చూసుకుంటుంది.