2023లో సిక్సర్లతో గ్రౌండ్ ను హోరెత్తించిన టాప్-5 క్రికెట‌ర్స్ ఎవ‌రో తెలుసా..?

Cricketers who hit the most sixes in 2023: అంత‌ర్జాతీయ క్రికెట్ లో 2023లో యూఏఈ ఆటగాడు మహ్మద్ వసీం 98 సిక్సర్లతో అత్యధిక సిక్సర్లు బాదిన ఆటగాడిగా నిలిచాడు. ఐసీసీ పూర్తి స్థాయి ఆటగాళ్లలో అత్యధిక సిక్సర్లు బాదిన ఆటగాళ్ల జాబితాలో టీమిండియా కెప్టెన్ రోహిత్ శర్మ 80 సిక్సర్లతో రెండో స్థానంలో ఉన్నాడు. అలాగే,  నేపాల్ కు చెందిన కుశాల్ మల్లా 65 సిక్సర్లు బాదగా, ఆస్ట్రేలియాకు చెందిన మిచెల్ మార్ష్, న్యూజిలాండ్ కు చెందిన డారిల్ మిచెల్ చెరో 61 సిక్సర్లు బాదారు.
 

మహ్మద్ వసీం జూనియర్: 

2023 అంత‌ర్జాతీయ క్రికెట్ లో యూఏఈ ప్లేయ‌ర్ మ‌హ్మ‌ద్ వ‌సీం జూనియ‌ర్ 46 మ్యాచ్ లు ఆడి 1592 ప‌రుగులు చేశాడు. ఇందులో 141 పోర్లు కొట్టాడు. ఈ ఏడాదిలో అత్య‌ధిక సిక్స‌ర్లు కొట్టిన ప్లేయ‌ర్ల జాబితాలో 98 సిక్స‌ర్ల‌తో టాప్ లో ఉన్నాడు. 
 

రోహిత్ శ‌ర్మ‌: 

భార‌త ప్లేయ‌ర్ రోహిత్ శ‌ర్మ 2023లో మొత్తం 35 మ్యాచ్ ల‌లో 1800 ప‌రుగులు చేశాడు. ఇందులో నాలుగు సెంచ‌రీలు, 11 అర్థ సెంచ‌రీలు ఉన్నాయి. 191 పోర్లు, 80 సిక్స‌ర్ల‌ను కొట్టాడు. 
 

కుశాల్ మల్లా: 

నేపాల్ ప్లేయ‌ర్ కుశాల్ మల్లా 2023లో మొత్తం 65 సిక్సులు కొట్టాడు. ఈ ఏడాదిలో 34 మ్యాచ్ ల‌ను ఆడి 951 ప‌రుగులు చేశాడు. ఇందులో రెండు సెంచ‌రీలు, 5 ఫిఫ్టీలు ఉన్నాయి. 65 సిక్సులు, 74 ఫోర్లు కొట్టాడు. 
 

మిచెల్ మార్ష్:

ఆస్ట్రేలియా ప్లేయ‌ర్ మిచెల్ మార్ష్ 2023లో 61 సిక్సులు కొట్టి అంత‌ర్జాతీయ క్రికెట్ లో అత్య‌ధిక సిక్సులు కొట్టిన లిస్టులో నాలుగో స్థానంలో ఉన్నాడు. మిచెల్ మార్ష్ 33 ఇన్నింగ్స్ ల‌లో 1584 ప‌రుగులు చేశాడు. ఇందులో 177* అత్య‌ధిక స్కోర్ కాగా, 3 సెంచ‌రీలు, 11 అర్థ సెంచ‌రీలు కొట్టాడు. 

డారిల్ మిచెల్: 

న్యూజిలాండ్ స్టార్ ప్లేయ‌ర్ డారిల్ మిచెల్ ఈ ఏడాది అంత‌ర్జాతీయ క్రికెట్ లో అద‌ర‌గొట్టాడు. అత‌ను ఆడిన 54 ఇన్నింగ్స్ ల‌లో 6 సెంచ‌రీలు, 9 అర్థ సెంచ‌రీల‌తో మొత్తం 1988 ప‌రుగులు చేశాడు. అత్య‌ధిక స్కోర్ 134 ప‌రుగులు కాగా, ఈ ఏడాది అంత‌ర్జాతీయ క్రికెట్ లో మొత్తం 148 ఫోర్లు, 61 సిక్స‌ర్లు బాదాడు.