అతను వరల్డ్ బెస్ట్ వికెట్ కీపర్... సెక్స్ ఛాట్ ఆరోపణలు ఎదుర్కొంటున్న టిమ్ పైన్కి నాథన్ లియాన్ సపోర్ట్...
భారత మాజీ సారథి, వికెట్ కీపర్ బ్యాట్స్మెన్ మహేంద్ర సింగ్ ధోనీ రిటైర్మెంట్ తర్వాత ఇప్పుడున్నవారిలో వరల్డ్ బెస్ట్ వికెట్ కీపర్ ఎవరు? ఈ ప్రశ్నకు సమధానం చెప్పడం కొద్దిగా కష్టమే. ఆస్ట్రేలియా సీనియర్ స్పిన్నర్ నాథన్ లియాన్ మాత్రం మాజీ టెస్టు కెప్టెన్ టిమ్ పైన్, వరల్డ్ బెస్ట్ కీపర్ అంటున్నాడు...
ఓ మహిళా ఉద్యోగితో సెక్స్ ఛాట్ చేసిన ఆరోపణలు రావడంతో టెస్టు కెప్టెన్సీ నుంచి తప్పుకుంటున్నట్టు ప్రకటించాడు ఆసీస్ వికెట్ కీపర్ బ్యాట్స్మెన్ టిమ్ పైన్...
క్రికెట్ ఆస్ట్రేలియా విచారణలో 2017లో తన సహచర ఉద్యోగితో టిమ్ పైన్, సెక్స్ ఛాట్ చేయడం, అసభ్యకరరీతిలో అశ్లీల చిత్రాలు పంపినట్టు తేలింది. క్రికెట్ ఆస్ట్రేలియా, ఈ కేసులో దర్యాప్తు ఇంకా పూర్తి చేయకముందే టెస్టు కెప్టెన్సీ నుంచి తప్పుకుంటున్నట్టు ప్రకటించాడు టిమ్ పైన్...
‘నా దృష్టిలో ప్రస్తుతం వరల్డ్ బెస్ట్ కీపర్ టిమ్ పైన్. నాకు తెలిసి ఈ విషయంలో టిమ్ పైన్కి ఆస్ట్రేలియా క్రికెట్ జట్టు నుంచి 100 శాతం సపోర్ట్, సహాయ సహకారాలు అందుతాయని ఆశిస్తున్నా...
గబ్బా టెస్టు మ్యాచ్లో, ఆ టెస్టు సిరీీస్లో అతను ఎంతో హుందాగా వ్యవహరించి, క్రీడాస్ఫూర్తిని చాటుకున్నాడు. అవుట్ టిమ్ తప్పు చేశాడు. దాన్ని అతను అంగీకరించాడు...
చేసిన తప్పును నిర్భయంగా ఒప్పుకోవడానికి చాలా ధైర్యం కావాలి. అతనికి నాకు పూర్తి సపోర్ట్ ఉంటుంది. అతన్ని మళ్లీ కలిసేందుకు ఎదురుచూస్తున్నా...
సెలక్టర్లు, అందుబాటులో ఉండే బెస్ట్ ఎలెవన్ జట్టును ఎంపిక చేస్తారని చెప్పారు. వరల్డ్ బెస్ట్ వికెట్ కీపర్ టిమ్ పైన్కి కూడా జట్టులో చోటు ఉంటుందని ఆశిస్తున్నా...
ఎందుకంటే నాకు అతను కావాలి. ఇది చాలా స్వార్థంగా కనిపించొచ్చు. కానీ బౌలర్ల దృష్టిలో ఆలోచిస్తే, వికెట్ల వెనకాల బెస్ట్ పర్సన్ ఉంటే.. రిజల్ట్ బాగా ఉంటుంది...
అందరూ క్యాచ్ అందుకునే మూమెంట్ని చూడాలని అంటారు, కానీ నేను మాత్రం గ్లవ్స్ని బంతి తాకే శబ్దాన్ని బాగా ఎంజాయ్ చేస్తా. మంచి వికెట్ కీపర్ ఉన్నప్పుడే, ఆ సౌండ్ వినసొంపుగా ఉంటుంది...
బ్రాడ్ హాడిన్లో ఆ రిథమ్ ఉంది. అయితే టిమ్ పైన్ క్యాచ్ పడితే, అది మ్యూజిక్ ప్లే చేసినట్టుగా అనిపిస్తుంది... నేను ప్రతీ బౌలర్ తరుపున మాట్లాడుతున్నా. మాకు బెస్ట్ వికెట్ కీపర్ కావాలి...’ అంటూ చెప్పుకొచ్చాడు నాథన్ లియాన్...
‘బౌలర్ మైండ్సెట్, బ్యాటర్ మైండ్ సెట్ తెలిసిన ప్లేయర్ కెప్టెన్గా ఉంటే చాలా బాగుంటుంది. అందుకే ఓ బౌలర్ టెస్టు కెప్టెన్గా అయితే బాగుంటుందని నేను కూడా కోరుకుంటున్నా...
ప్యాట్ కమ్మిన్స్ కెప్టెన్సీలో న్యూ సౌత్ వేల్స్ క్రికెట్కి ఆడినప్పుడు బాగా ఎంజాయ్ చేశా. అతనికి చాలా మంది సీనియర్ల సపోర్ట్ కూడా ఉంది. ఒకవేళ స్టీవ్ స్మిత్కి కెప్టెన్సీ ఇచ్చినా నాకే అభ్యంతరం లేదు...’ అంటూ చెప్పుకొచ్చాడు నాథన్ లియాన్..