రాఖి పండగకి మీ అక్కకి లేదా చెల్లెకి డబ్బు గిఫ్ట్ ఇస్తున్నారా.. ఇస్తే ట్యాక్స్ పడుతుందా ? ఐటి రూల్స్ ఏంటంటే..

  రక్షా బంధన్( Raksha Bandhan ) తోబుట్టువుల మధ్య బంధాన్ని ఆనందంగా జరుపుకునే అందమైన పండుగ. అయితే గిఫ్ట్స్ లేకుండా రాఖీ పండుగ ఎప్పుడు పూర్తవదు. అయితే కాలంతో పాటు ట్రెండ్స్ మారుతున్నాయి. కానీ స్థిరంగా ఉన్న ఒక విషయం డబ్బు, సోదరులు  సోదరీమణులకు గిఫ్ట్ గా  ఇచ్చేది డబ్బు. కాబట్టి, రక్షా బంధన్ సందర్భంగా మీరు మీ సోదరికి ఎంత డబ్బు ఇవ్వవచ్చు ? ఈ డబ్బు పై పన్ను విధించబడుతుందా ? ఆదాయపు పన్ను నిబంధన ఏం చెబుతోంది ?

 వరుసకి  బంధువులకు ఇచ్చే గిఫ్ట్ మొత్తంపై ఎలాంటి లిమిట్ లేదు. మీ సోదరి మీ రక్తసంబంధం  కాబట్టి. "మీ సోదరికి మీకు ఇచ్చిన ఏదైనా గిఫ్ట్ పై మీకు లేదా మీ సోదరికి పన్ను విధించబడదు" అని క్లియర్ వ్యవస్థాపకుడు అండ్ CEO అర్చిత్ గుప్తా తెలిపారు.

ఆదాయపు పన్ను చట్టాలు లేదా మరేదైనా చట్టం ప్రకారం ఒక వ్యక్తి మరొక వ్యక్తికి గిఫ్ట్  ఇవ్వడానికి ఎటువంటి పరిమితి లేదు . అదేవిధంగా, ఒక వ్యక్తి నగదు రూపంలో గిఫ్ట్ ఇవ్వడానికి కూడా పరిమితి లేదు.అయితే రూ. 2 లక్షలకు మించి నగదు ఇవ్వడం లేదా తీసుకోవడానికి  వీలు లేదు. కాబట్టి రూ.2లక్షలకు మించి గిఫ్ట్  ఇచ్చేవారు నగదు రూపంలో కాకుండా బ్యాంకింగ్ మార్గాల ద్వారా ఇవ్వవచ్చని  ట్యాక్స్  అండ్ ఇన్వెస్ట్మెంట్ నిపుణుడు బల్వంత్ జైన్ చేబుతున్నారు.

 "ఆదాయపు పన్ను చట్టం సెక్షన్ 56(2)(x) ప్రకారం గిఫ్ట్స్  పొందే వారి చేతిలోకి వెళ్లాక పన్ను ఉంటుంది. అయితే కొంతమంది నిర్దిష్ట బంధువుల నుంచి వచ్చే గిఫ్ట్స్ కి మాత్రం ఈ నిబంధన నుండి  మినహాయింపు ఉంటుంది.

ఇక షేర్ల విషయానికి వస్తే పన్నుల ప్రభావం లేకుండా షేర్లను సోదరికి బదిలీ చేయవచ్చని నిపుణులు చెబుతున్నారు. దీని ప్రకారం అక్కాచెల్లెళ్లకు క్యాష్‌ గిఫ్ట్‌ ఇస్తే ఇచ్చేవారికి కానీ, తీసుకునేవారికి కానీ ఎలాంటి ట్యాక్స్‌ పడదు అని పేర్కొంటున్నారు.