Asianet News TeluguAsianet News Telugu

వామ్మో..."వరల్డ్ ఫేమస్ లవర్" నష్టం అన్ని కోట్లా?

భారీ అంచనాలతో వచ్చిన  "వరల్డ్ ఫేమస్ లవర్"  సినిమా భాక్సాఫీస్ వద్ద భారీగా దెబ్బ తింది. బయ్యర్లను నిలువునా ముంచింది. విడుదలైన మొదటి రోజే ఫ్లాప్ టాక్ తెచ్చుకున్న ఈ సినిమా... క్లోజింగ్ కు వచ్చేసరికి డిజాస్టర్ గా తేలింది. 

Vijays WORLD FAMOUS LOVER movie loss 22 cr
Author
Hyderabad, First Published Mar 19, 2020, 8:20 AM IST
  • Facebook
  • Twitter
  • Whatsapp


విజయ్ దేవరకొండ చివరగా రిలీజైన చిత్రం "వరల్డ్ ఫేమస్ లవర్".  భారీ అంచనాలతో వచ్చిన ఈ సినిమా భాక్సాఫీస్ వద్ద భారీగా దెబ్బ తింది. బయ్యర్లను నిలువునా ముంచింది. విడుదలైన మొదటి రోజే ఫ్లాప్ టాక్ తెచ్చుకున్న ఈ సినిమా... క్లోజింగ్ కు వచ్చేసరికి డిజాస్టర్ గా తేలింది.  విజయ్ దేవరకొండ కెరీర్ లో బిగ్గెస్ట్ డిజాస్టర్ ఇదేగా ట్రేడ్ వర్గాలు తేల్చాయి. తాజాగా ఈ సినిమా ఫైనల్ కలెక్షన్లు విడుదలయ్యాయి. ఆ లెక్కలు చూస్తే ...ఇక నిర్మాతకు ఏ సినిమా తియ్యబుద్ది కాదు అలా అనిపిస్తుంది.

ట్రేడ్ లో చెప్తున్న లెక్కల ప్రకారం ఈ సినిమాను అడ్వాన్స్ లు ప్రక్కన పెడితే.. తెలుగు రాష్ట్రాల్లో 30 కోట్ల రూపాయలకు  అమ్మారు. అయితే ఫైనల్ రన్ పూర్తయ్యేసరికి ఈ సినిమాకు కేవలం 8 కోట్ల 13 లక్షల రూపాయల షేర్ మాత్రమే వచ్చింది. అటు ఓవర్సీస్ లోనైతే ఈ సినిమా కోటి రూపాయలు కూడా కలెక్ట్ చేయలేకపోయింది. మొత్తానికి ఫైనల్ రన్ ముగిసేసరికి బయ్యర్లు నిండా మునిగిపోయారు.
 
ఈ లాస్ ని కవర్ చేయటానికి విజయ్ దేవరకొండ తన రెమ్యునేషన్ లో కొంత భాగం వెనక్కి నిర్మాతకు ఇచ్చేసినట్లు సమాచారం. అలాగే నిర్మాత కెఎస్ రామారావు తనను నమ్మి సినిమాని మంచి రేట్లకు కొనుక్కున్న బయ్యర్లు కు ఏ విధంగా రికవరీ ఇవ్వబోతున్నారనేది తెలియాల్సి ఉంది. అయితే తను తదుపరి తీసే చిత్రాన్ని తక్కువ రేట్లుకు ఇప్పుడు నష్టపోయినవారందిరికీ ఇస్తానని నిర్మాత ...చెప్తున్నా...డిస్ట్రిబ్యూటర్స్ ఒప్పుకోలేదని చెప్తున్నారు. దాంతో తిరిగి వెనక్కి డబ్బులు ఇవ్వాల్సిన పరిస్దితి ఉంది.

Follow Us:
Download App:
  • android
  • ios