అల్లు అర్జున్కి రౌడీ బాయ్ అదిరిపోయే గిఫ్ట్.. బన్నీ ఏమన్నాడంటే?
బన్నీకి సర్ప్రైజ్ గిఫ్ట్ పంపించాడు రౌడీ బాయ్ విజయ్ దేవరకొండ. తన రౌడీ వేర్ నుంచి ప్రత్యేకంగా డిజైన్ చేయబడ్డ టీషర్ట్, స్పెషల్ ట్రాక్, డిజైన్ మాస్కులను పంపించాడు.
విజయ్ దేవరకొండకి అల్లు అర్జున్ ఎంతగానో సపోర్ట్ చేశాడు. `గీతగోవిందం` సినిమా బ్లాక్ బస్టర్ టైమ్లో ప్రత్యేకంగా అభినందించాడు. అంతేకాదు యూనిట్కి స్పెషల్ పార్టీ కూడా ఇచ్చాడు. ఆ తర్వాత `టాక్సీవాలా` సినిమా సమయంలోనూ సహకరించాడు. దీంతో వీరి మధ్య మంచి బాండింగ్ ఏర్పడింది. ఆ బాండింగ్ ఒకరినొకరు బహుమతులు ఇచ్చిపుచ్చుకునేంతగా పెరిగింది.
తాజాగా బన్నీకి సర్ప్రైజ్ గిఫ్ట్ పంపించాడు రౌడీ బాయ్ విజయ్ దేవరకొండ. తన రౌడీ వేర్ నుంచి ప్రత్యేకంగా డిజైన్ చేయబడ్డ టీషర్ట్, స్పెషల్ ట్రాక్, డిజైన్ మాస్కులను పంపించాడు విజయ్ దేవరకొండ. ఈ గిఫ్ట్ ని అందుకున్న బన్నీ ఇన్స్టా స్టోరీస్లో విజయ్కి థ్యాంక్స్ చెప్పాడు. `థ్యాంక్యూ సో మచ్ విజయ్. రౌడీ నుంచి నువ్వు పంపిన లేటెస్ట్ కలెక్షన్లు సో స్వీట్` అని తెలిపారు.
విజయ్ ప్రస్తుతం `ఫైటర్` చిత్రంలో నటిస్తున్నారు. పూరీ జగన్నాథ్ దర్శకత్వంలో పాన్ ఇండియా సినిమాగా తెరకెక్కుతుంది. ఇక అల్లు అర్జున్ సుకుమార్ దర్శకత్వంలో `పుష్ప` చిత్రంలో నటిస్తున్నాడు. రష్మిక మందన్నా కథానాయికగా నటిస్తుండగా, ఇది కూడా పాన్ ఇండియా సినిమాగా రూపొందుతుండటం విశేషం.