ఈ మ‌ధ్య‌కాలంలో మంచి బ‌జ్ తెచ్చుకున్న చిత్రం 'ఉమామహేశ్వర ఉగ్రరూపస్య'. 'బాహుబలి'‌ నిర్మాతలు‌ శోభూ యార్లగడ్డ, ప్ర‌సాద్ దేవినేని ఈ చిత్రాన్ని నిర్మించారు. సత్యదేవ్‌ ప్రధాన పాత్ర పోషించిన ఈ చిత్రాన్ని ‘కేరాఫ్‌ కంచరపాలెం’ ఫేం వెంకటేష్‌ మహా తెర‌కెక్కించారు. ఈ మూవీని నేరుగా ఓటీటీ ప్లాట్‌ఫాం నెట్ ఫ్లిక్స్ లో ఈ రోజు రిలీజ్ ప్లాన్ చేసారు. కానీ బయిటకు రాని కారణాలతో వాయిదా పడింది. ఈ రోజు ఈ చిత్రం ఓటీటిలో రిలీజ్ కాలేదు. కొత్త రిలీజ్ డేట్ ఇంకా తెలియరాలేదు.

ఇక ఈ చిత్రంలో సత్యదేవ్  పేరు ఉమా మహేశ్వర రావు. అరకు వ్యాలీలో “కోమలి ఫోటో స్టూడియో” ఓనర్. స్వతహాగా చాల మంచివాడు. కానీ ఒకరోజు అనుకోకుండా తన తప్పు లేకపోయినా ఉమా మహేశ్వర రావు ఇంకొకరి చేతిలో దెబ్బలు తింటాడు. ఆ గొడవ తరువాత తనని కొట్టినవాడిని తిరిగి కొట్టేంత వరకూ చెప్పులు వేసుకోనని శపథం చేస్తాడు. ఆ విశేషాలు తెలియాలంటే “ఉమా మహేశ్వర – ఉగ్రరూపస్య” సినిమా చూడాల్సిందే.

C/O కంచెర పాలెం సినిమా తరువాత ఆయన చేస్తున్న సినిమా ఇది. ఈ సినిమాను బాహుబలి లాంటి సినిమా చేసిన ఆర్కా మీడియా సంస్థ నిర్మాతగా వ్యవహరిస్తోంది. కేరాఫ్ కంచెర పాలెం సినిమా మాదిరిగానే ఈ సినిమాలో కూడా నిజజీవిత పాత్రలతోనే దర్శకుడు సినిమా చేస్తున్నారు. ఇక ఈ సినిమాలో టైటిల్ రోల్ లో హీరో సత్యదేవ్ నటిస్తున్నారు. ఇక రీసెంట్ గా రిలీజ్ చేసిన చిన్న వీడియోలో ఆయనతో పాటు సీనియర్ నటులు పెద్ద నరేష్ గారు కూడా ఉన్నారు.

కేరాఫ్ కంచెర పాలెం లో నటించి ఆ సినిమాను నిర్మించిన విజయ ప్రవీణా పరుచూరి ఈ సినిమాకు సహా నిర్మాతగా వ్యవహరిస్తున్నారు. జాతీయ అవార్డు గ్రహీత మలయాళం లో ఎన్నో సూపర్ హిట్ చిత్రాలకు సంగీతం అందించిన బిజిబల్ ఈ సినిమాకు పనిచేస్తున్నారు. ఇప్పటికే రిలీజ్ చేసిన అనౌన్స్ మెంట్ వీడియో లో ఆయన మ్యూజిక్ కి గొప్ప స్పందన వస్తోంది.

స‌త్య‌దేవ్ కంచ‌ర‌న, న‌రేష్‌, సుహాస్‌, జ‌బ‌ర్‌ద‌స్త్ రాంప్ర‌సాద్‌, కరుణాకరణ్, టి.ఎన్‌.ఆర్‌, ర‌వీంద్ర విజ‌య్‌, కె.రాఘ‌వ‌న్ త‌దిత‌రులు నటించిన ఈ చిత్రానికి సంగీతం: బిజ్‌బ‌ల్‌, కెమెరా: అప్పు ప్ర‌భాక‌ర్‌, ద‌ర్శ‌క‌త్వం: వెంక‌టేశ్ మ‌హ‌, నిర్మాత‌లు: శోభు యార్ల‌గ‌డ్డ‌, ప్రసాద్ దేవినేని(ఆర్కా మీడియా వ‌ర్క్స్‌), విజ‌య ప్ర‌వీణ ప‌రుచూరి(మ‌హాయాణ మోష‌న్ పిక్చ‌ర్స్‌).