మరోసారి సల్మాన్‌ను టార్గెట్ చేసిన హాట్ సింగర్‌
మరోసారి సల్మాన్‌ను టార్గెట్ చేసింది ఈ హాట్ సింగర్‌. సల్మాన్‌కు ఏ మాత్రం సంబంధం లేని ఓ టిక్‌ టాక్‌ విషయంలో కండలవీరుడిని లాగి మరి వివాదం సృష్టించింది. ఇటీవల టిక్‌ టాక్‌లో ఓ వీడియో వైరల్‌ అవుతుంది. ఈ వీడియోలో ఓ కుర్రాడు తన ప్రేమను అంగీకరించని అమ్మాయి మీద యాసిడ్ దాడి చేస్తాడు.
తన పాటలతో కన్నా ఎక్కువగా వివాదాలతోనే ఫేమస్ అయిన అందాల భామ సోనా మహాపాత్ర. గ్లామర్‌ షోతో కిక్కెక్కిచే ఈ బ్యూటీ అదే స్థాయిలో వివాదాస్పద ట్వీట్లు చేస్తూ సోషల్ మీడియాలో హల్‌చల్‌ చేస్తుంటుంది. ముఖ్యంగా సల్మాన్ ఖాన్‌ను టార్గెట్ చేస్తూ సోనా చేసే ట్వీట్లు ఓ రేంజ్‌లో వైరల్‌ అయ్యాయి. గతంలో భారత్ సినిమా షూటింగ్ సమయంలో సల్మాన్ ను టార్గెట్ చేస్తూ ట్వీట్లు చేసింది సోనా. ఆ సినిమా నుంచి ప్రియాంక చోప్రా తప్పుకోవటంతో ఆ విషయాన్ని సల్మాన్ స్వయంగా వెల్లడించాడు. అయితే ఆ విషయంపై సోనా స్పందిస్తూ సల్మాన్ చేసిన ట్వీట్‌ను తప్పు పట్టింది.
తాజాగా మరోసారి సల్మాన్‌ను టార్గెట్ చేసింది ఈ హాట్ సింగర్‌. సల్మాన్‌కు ఏ మాత్రం సంబంధం లేని ఓ టిక్‌ టాక్‌ విషయంలో కండలవీరుడిని లాగి మరి వివాదం సృష్టించింది. ఇటీవల టిక్‌ టాక్‌లో ఓ వీడియో వైరల్‌ అవుతుంది. ఈ వీడియోలో ఓ కుర్రాడు తన ప్రేమను అంగీకరించని అమ్మాయి మీద యాసిడ్ దాడి చేస్తాడు. ఆ వీడియో మహిళ మీద దాడులను ప్రొత్సహించినట్టుగా ఉందని ఆరోపిస్తూ చాలా మంది నెటిజెన్లు విరుచుకుపడుతున్నారు. అంతేకాదు టిక్‌ టాక్‌ నుంచి వీడియోను డిలీట్ చేయాలంటూ డిమాండ్ చేస్తున్నారు.
అయితే ఈ వీడియోపై స్పందించిన సోనా వివాదంలోకి సల్మాన్ ఖాన్ ను లాగింది. ఆ వీడియోను సల్మాన్‌తో పోలుస్తూ వివాదాస్పద ట్వీట్ చేసింది సోనా. `లోకంలో నాడు నేడు మహిళలను కించపరచటంతో పెద్దగా మార్పు లేదు. మనం హీరో సల్మాన్ గురించి కథలు కథలుగా వింటూ పెరిగాం. సల్మాన్ హీరోయిన్‌ల ముఖాల మీద పబ్లిక్‌గా బాటిల్స్‌ పగలగొట్టేవాడు. అతన్ని కంట్రీ బిగ్గెస్ట్ స్టార్‌గా చూడటం మానండి` అంటూ ట్వీట్ చేసింది.. దీంతో మరోసారి సల్మాన్ ఫ్యాన్స్ సోనా మీద ఫైర్‌ అవుతున్నారు. గతంలో సోనాను చంపేస్తామంటూ కూడా బెదిరించారు సల్మాన్ అభిమానులు, ఇప్పుడు మరోసారి అదే పరిస్థితి వచ్చేలా కనిపిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
