#Salaar:‘సలార్’ఏమన్నా సలాడ్ అనుకున్నారా, అన్నీ కలపటానికి
ఈ సినిమాలో ప్రభాస్ లుక్ ఊరమాస్ అవతారంలో ఉండనుందని చిత్ర యూనిట్ తెలిపింది. కాగా, ఈ సినిమాలో ప్రభాస్ సరసన అందాల భామ శ్రుతి హాసన్ హీరోయిన్‌గా నటిస్తుండగా, ఈ సినిమాను హొంబాలే ఫిలింస్ అత్యంత భారీ బడ్జెట్‌తో ప్రొడ్యూస్ చేస్తోంది.
కేజీయఫ్ రెండు పార్ట్ లతో ఇండియన్ బాక్సాఫీస్‌ను షేక్ చేసిన దర్శకుడు ప్రశాంత్ నీల్. ప్రస్తుతం యంగ్ రెబల్ స్టార్ ప్రభాస్‌తో కలిసి ‘సలార్’ అనే సినిమాను తెరకెక్కిస్తున్న సంగతి తెలిసిందే. కంటిన్యూ షెడ్యూల్స్ తో షూటింగ్ శరవేగంగా జరుపుకుంటున్న ఈ సినిమాలో ప్రభాస్ పూర్తి యాక్షన్ మోడ్‌లో కనిపిస్తున్నాడు. ఇక ఈ సినిమాను ప్రశాంత్ నీల్ అత్యంత ప్రతిష్టాత్మకంగా తెరకెక్కిస్తుండగా, ఈ సినిమాకు సంబంధించి రోజుకో వార్త మీడియాలో, సోషల్ మీడియాలో జోరుగా చక్కర్లు కొడుతున్నాయి.
తాజాగా, ఈ సినిమాకు సంబంధించి ఓ ఇంట్రెస్టింగ్ వార్త నెట్టింట వైరల్ అవుతోంది. సినిమాలో యాక్షన్ సీన్స్ తో పాటు డివోషనల్ టచ్ ఉంటే విధంగా మేకర్స్ జాగ్రత్తలు తీసుకుంటున్నారని,అవే హైలెట్ అని అంటున్నారు. సలార్ చిత్రంలో ప్రభాస్ కాళీ మాత భక్తుడిగా కనిపిస్తాడని.. ఈ క్రమంలో దుష్టశక్తులను అడ్డుకునే పనిలో ప్రభాస్ చేసే యాక్షన్ సీక్వెన్స్‌లు నెక్ట్స్ లెవెల్‌లో ఉండబోతున్నట్లు ప్రచారం జరుగుతోంది.
అయితే ఇది గతంలో బాలకృష్ణ నటించిన అఖండ సినిమాను పోలి ఉంటుందని తెలుస్తోంది. ఆ సినిమాలో బాలయ్య శివుడి భక్తునిగా చేసిన ఊచకోత ఎలా ఉందో మనం చూశాం. ఇప్పుడు అలాంటి పాత్రలోనే ప్రభాస్ కూడా కనిపిస్తుండటంతో ఈ సినిమాలోనూ యాక్షన్ సీక్వెన్స్ అదే రేంజ్‌లో ఉండబోతుందని అంటున్నారు. అయితే ఈ వార్తలో నిజం లేదని, ఇది మీడియా,కొందరు అభిమాన ఉత్సాహంవతులు వండిన వంటేనని, సలార్ సినిమా ఏమన్నా సలాడ్ ..అన్ని ముక్కలు కలపటానికి మరికొందరు ఫ్యాన్స్ మండిపడుతున్నారు. ఏది నిజం..ఏది రూమర్ అని తేలాలంటే కొద్ది రోజులు ఆగాల్సింది.
ఇక ఈ సినిమాలో అందాల భామ శ్రుతి హాసన్ హీరోయిన్‌గా నటిస్తోండగా, జగపతి బాబు, పృథ్వీరాజ్ సుకుమారన్ ఇతర ముఖ్య పాత్రల్లో నటిస్తున్నారు. దాదాపుగా 300 కోట్ల రూపాయలకు పైగా బడ్జెట్ తో ఈ సినిమా తెరకెక్కుతోందని వినిపిస్తోంది.సలార్ సినిమాలోని కొన్ని సన్నివేశాలు నెక్స్ట్ లెవెల్ లో ఉండనున్నాయని కన్నడ సినీ వర్గాల్లో వినిపిస్తుండటం గమనార్హం. సలార్ సినిమాతో ప్రభాస్ కెరీర్ బిగ్గెస్ట్ బ్లాక్ బస్టర్ హిట్ సాధించాలని ఫ్యాన్స్ భావిస్తున్నారు. ఈ సినిమాను 2023 సెప్టెంబర్ 28న అత్యంత భారీ స్థాయిలో రిలీజ్ చేయబోతున్నట్లు చిత్ర యూనిట్ ఇప్పటికే ప్రకటించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
