షాక్ లో ఫ్యాన్స్.. రానా ఏంటి ఇలా అయిపోయాడు!
దగ్గుబాటి ఫ్యామిలీ వారసుడిగా రానా చిత్ర పరిశ్రమలోకి అడుగుపెట్టాడు. రానాకు ప్రస్తుతం ఇండస్ట్రీలో ఉన్న గుర్తింపు మొత్తం అతడి నటన ఆధారంగా వచ్చిందే. రానా ఎప్పుడూ మాస్ ఇమేజ్ కోసం పాకులాడలేదు. నటనకు ప్రాధాన్యత ఉన్న చిత్రాలని ఎంచుకుంటూ దూసుకుపోతున్నాడు.
బాహుబలి చిత్రంలో రానా భల్లాల దేవుడిగా అద్భుతమైన పెర్ఫామెన్స్ తో ఆకట్టుకున్నాడు. బాహుబలితో పాటు ఘాజి చిత్రం కూడా రానాని దేశవ్యాప్తంగా మంచి గుర్తింపు తీసుకువచ్చింది.
ఇదిలా ఉండగా ఇటీవల రానా ఆరోగ్యం గురించి అనేక ఊహాగానాలు వినిపిస్తున్న సంగతి తెలిసిందే. ఆ వార్తలని ఖండిస్తూ తాను ఆరోగ్యంగానే ఉన్నానని రానా క్లారిటీ ఇచ్చాడు కూడా. కొంతకాలంగా రానా యుఎస్ లో ఉంటున్నాడు.
తాజాగా రానా సోషల్ మీడియాలో షేర్ చేసిన ఓ ఫోటో అభిమానులని షాక్ కి గురిచేస్తోంది. ఈ ఫొటోలో రానా మరింత సన్నగా మారి కనిపిస్తున్నాడు. ఈ స్థాయిలో రానా వెయిట్ లాస్ ఎందుకవుతున్నాడనే చర్చ అభిమానుల్లో జరుగుతోంది.
ప్రస్తుతం రానా విరాటపర్వం అనే చిత్రంలో నటిస్తున్నాడు. ఈ చిత్రంలో సాయిపల్లవి హీరోయిన్ గా నటిస్తోంది. రానా ప్రధానపాత్రలో హిరణ్యకశ్యప అనే పౌరాణిక చిత్రానికి కూడా సన్నాహకాలు జరుగుతున్నాయి.