Asianet News TeluguAsianet News Telugu

వైరల్‌: `గబ్బర్‌సింగ్‌`కు డైరెక్టర్‌కు నెటిజెన్‌ పంచ్‌

మలక్‌పేట దగ్గరలో ఓ  70 ఏళ్ల వ్యక్తి శ్వాస తీసుకోవటంలో ఇబ్బంది పడుతున్నాడని, వెంటనే అక్కడికి అంబులెన్స్ పంపి సాయం  చేయాలని హరీష్ తన ట్విటర్‌ ద్వారా హాస్పిటల్‌ సిబ్బందిని కోరాడు

Netizen Counter To Harish Shankar Tweet
Author
Hyderabad, First Published Jul 14, 2020, 4:47 PM IST
  • Facebook
  • Twitter
  • Whatsapp

సెలబ్రిటీలకు సోషల్ మీడియా వేధింపులు తప్పటం లేదు. ప్రముఖులు మంచి ఉద్దేశంతో చేసే ట్వీట్స్‌ విషయంలో కూడా కొంత మంది ఆకతాయిలు అభ్యంతరకర వ్యాఖ్యలు చేస్తున్నారు. తాజాగా మాస్‌ కమర్షియల్  చిత్రాల దర్శకుడు హరీష్ శంకర్‌కు అలాంటి అనుభవమే ఎదురైంది. ఓ వ్యక్తి కోసం అంబులెన్స్ పంపించాలంటూ హరీష్ శంకర్ చేసి ట్వీట్‌ వెంకట్‌ అనే వ్యక్తి కౌంటర్ వేశాడు.

మలక్‌పేట దగ్గరలో ఓ  70 ఏళ్ల వ్యక్తి శ్వాస తీసుకోవటంలో ఇబ్బంది పడుతున్నాడని, వెంటనే అక్కడికి అంబులెన్స్ పంపి సాయం  చేయాలని హరీష్ తన ట్విటర్‌ ద్వారా హాస్పిటల్‌ సిబ్బందిని కోరాడు. అయితే ఈ ట్వీట్‌పై స్పందించిన వెంకీ అనే పేరుతో ఉన్న ఎకౌంట్‌ నుంచి ఓ వ్యక్తి `కాల్‌ చేయొచ్చుగా.. నువ్వు ట్వీట్‌ వేసేలోపు పేషెంట్‌కి ఏమైనా అయితే, బుర్ర ఉందిగా కొంచెం వాడు` అంటూ కామెంట్ చేశాడు.

అయితే ఈ ట్వీట్‌పై స్పందించిన హరీష్ శంకర్ వీడిని ఏం అనాలో తెలీట్లేదు ఫ్రెండ్స్ అంటూ రిప్లై ఇచ్చాడు. ఆ ట్వీట్ మీద కూడా వెంకీ అనే వ్యక్తి స్పందించాడు. `నీకు తెలియదనే ముందే బుర్ర వాడమన్నా` అంటూ కామెంట్ చేశాడు. అయితే ఈ కాన్వర్జేషన్‌ పై భిన్న వాదనలు వినిపిస్తున్నాయి. కొద్ది మంది వెంకీ చెప్పింది కరెక్టేగా అని కామెంట్ చేస్తుంటే.. మరికొందరు మాత్రం హరీష్ మంచి ఉద్దేశంతో చేసిన పనిపై ఇలా కామెంట్‌ చేయటం కరెక్ట్‌ కాదంటున్నారు.

Follow Us:
Download App:
  • android
  • ios