Asianet News TeluguAsianet News Telugu

పవన్-క్రిష్ మూవీ టైటిల్..ఇంట్రస్టింగ్ అప్డేట్

తమ అభిమాన హీరో సినిమా ప్రకటన వచ్చిన దగ్గర నుంచీ ఆ చిత్రం టైటిల్ గురించి చర్చ మొదలైపోతుంది. దానికి తోడు ఇప్పుడు సోషల్ మీడియా సెగ, హవా ఉండటంతో అభిమానులు తమకు తోచిన టైటిల్స్ ను అందంగా డిజైన్ చేసి, ప్రచారం మొదలెట్టేస్తున్నారు. ఇది మేకర్స్ కు పెద్ద సమస్యగా మారుతోంది. ఈ క్రమంలో క్రిష్ దర్శకత్వంలో పవన్ కల్యాణ్ చేయబోయే చిత్రం టైటిల్ పట్ల కూడా ఫ్యాన్స్ లో ఎంతో ఆసక్తి, కుతూహలం నెలకొన్నాయి.

Krish to announce title of Pawan movie
Author
Hyderabad, First Published Jul 18, 2020, 6:51 AM IST
  • Facebook
  • Twitter
  • Whatsapp

  
స్టార్ హీరోల సినిమాలకు కథకు ఎంత ప్రయారిటీ ఉంటుందో అంతకు మించి టైటిల్ కు ఉంటుంది. తమ అభిమాన హీరో చేస్తున్న చిత్రం టైటిల్ ఎంత పరర్ ఫుల్ గా ఉంటే అంత గొప్పగా సినిమా ఉంటుందని అంచనా వేస్తూంటారు ఫ్యాన్స్. ఈ నేపధ్యంలో ఆ తరహా  టైటిల్స్ కోసం అభిమానులు ఎదురుచూస్తుంటారు. దాంతో తమ అభిమాన హీరో సినిమా ప్రకటన వచ్చిన దగ్గర నుంచీ ఆ చిత్రం టైటిల్ గురించి చర్చ మొదలైపోతుంది. దానికి తోడు ఇప్పుడు సోషల్ మీడియా సెగ, హవా ఉండటంతో అభిమానులు తమకు తోచిన టైటిల్స్ ను అందంగా డిజైన్ చేసి, ప్రచారం మొదలెట్టేస్తున్నారు. ఇది మేకర్స్ కు పెద్ద సమస్యగా మారుతోంది. ఈ క్రమంలో క్రిష్ దర్శకత్వంలో పవన్ కల్యాణ్ చేయబోయే చిత్రం టైటిల్ పట్ల కూడా ఫ్యాన్స్ లో ఎంతో ఆసక్తి, కుతూహలం నెలకొన్నాయి.

అందుతున్న సమాచారం బట్టి ఈ సినిమాకు రెండు టైటిల్స్ అనుకుంటున్నారట. అందులో ఒకటి ' వీరా' , రెండు 'విరూపాక్ష'.ఈ రెండింటిలో ఏదో ఒకటి ఫైనలైజ్ చేస్తారట. ఈ చిత్రం టైటిల్ని పవన్ పుట్టిన రోజైన సెప్టెంబర్ 2న ప్రకటించడానికి దర్శకుడు క్రిష్ నిర్ణయించినట్టు తెలుస్తోంది. టైటిల్ అనౌన్స్ మెంట్ కి హీరో బర్త్ డేను మించిన రోజు మరొకటి ఉండదని, ప్రేక్షకులలోకి బాగా చొచ్చుకుపోతుందని దర్శక,నిర్మాతలు భావిస్తున్నారు. ఆ రోజు టైటిల్ తో పాటు ఫస్ట్ లుక్ ను కూడా రిలీజ్ చేస్తారట. 

ఈ చిత్రాన్ని స్వాతంత్ర్యం పూర్వం నాటి కథతో పిరీడ్ మూవీగా నిర్మిస్తున్నారు. పవన్ ఈ చిత్రంలో బందిపోటు పాత్ర చేస్తున్నారు. అలాగే ఆ పాత్ర పేరు విరూపాక్ష అని, అయితే అందరూ వీర అని పిలుస్తారని చెప్తున్నారు. ఈ  పాత్ర రాబిన్ హుడ్ ని పోలి ఉంటుందని చెప్తున్నారు. మొఘలుల కాలం నాటి పీరియాడిక్ యాక్షన్ డ్రామా కావడంతో పాన్ ఇండియా మూవీగా విడుదల చేయనున్నారని సమాచారం. 

ఇక ఈ పీరియాడిక్ మూవీలో జాక్వీలిన్ ఒక హీరోయిన్ గా నటిస్తుంది.ఇదిలావుంచితే, మరోపక్క పవన్ నటిస్తున్న 'వకీల్ సాబ్' చిత్రం బ్యాలెన్స్ చిత్రీకరణ వచ్చే నెలలో ప్రారంభం కావచ్చని సమాచారం. హరీష్ శంకర్ తో చేస్తున్న మూవీ ప్రీ ప్రొడక్షన్ జరుపుకుంటుంది. 

Follow Us:
Download App:
  • android
  • ios