ది వారియర్ డైరెక్టర్ లింగుస్వామికి 6 నెలలు జైలు శిక్ష, ఎందుకంటే..?
ఓ ఆర్థిక లావాదేవీ విషయంలో తమిళ స్టార్ డైరెక్టర్ లింగు స్వామికి జైలు శిక్ష పడింది. 6 నెలలు జైలు జీవితంతో పాటు ఫైన్ కూడా విధించింది కోర్డ్. అసలు ఏ విషయంలో ఈ స్టార్ డైరెక్టర్ పొరపాటు చేశారు..? జైలు శిక్ష వరకూ తెచ్చుకున్నారు.
మూలిగే నక్కమీద తాటికాయ పడ్డట్టు.. అసలే సినిమా డిజాస్టర్ అయ్యి.. చిక్కుల్లో ఉన్న డైరెక్టర్ లింగు స్వామికి మరో సమస్య తలనొప్పిగా మారింది. ఎనర్జిటిక్ స్టార్ హీరో రామ్ పోతినేని హీరోగా ది వారియర్ సినిమాతో ఆడియన్స్ ముందుకు వచ్చాడు లింగు స్వామి. కృతి శెట్టి హీరోయిన్ గా .. రామ్ పవర్ ఫుల్ పోలీస్ ఆఫీసర్ పాత్రలో..నటించిన ఈ సినిమా తెలుగు తో పాటు తమిళంలో కూడా ఒకే సారి రిలీజ్ అయ్యి...భారీ ఫ్లాప్ ను మూటగట్టుకుంది. ఇక ఈ ఇబ్బంది చాలదన్నట్టు లింగు స్వామికి మరో తలనొప్పి తగులుకుంది.. తాజాగా ఈ డైరెక్టర్ ఒక చెక్ బౌన్స్ కేసులో ఆరు నెలలు జైలు శిక్ష పడింది.
చెక్ బౌన్స్ కేసులో డైరెక్టర్ ఎన్ లింగుసామి తో పాటు అతని సోదరుడు ఎన్ సుభాష్ చంద్రబోస్లకు ఆరు నెలల జైలు శిక్ష పడింది. పీవీపీ క్యాపిటల్ దగ్గర నుంచి కొన్నేళ్ల క్రితం కోటి 35 లక్షల రూపాయలను లింగుస్వామి, సుభాష్చంద్ర బోస్ తీసుకున్నారట. అయితే వాటిని చెల్లించే క్రమంలో ఇచ్చిన చెక్ బౌన్స్ అవ్వంతో సదరు సంస్థ ఇద్దరు సోదరులపై కేసు నమోదు చేసింది. దాంతో ఇద్దరు అన్నదమ్ములకు కోర్డ్ 6 నెలలు జైలు తో పాటు.. ఆ డబ్బును వడ్డీతో సహా చెల్లించాలని తీర్పు ఇచ్చింది.
అయితే ఈ విషయంలో డైరెక్టర్ లింగుస్వామి, సోదరుడితో కలిసి కోర్టు తీర్పును మద్రాస్ హైకోర్టులో అప్పీలుకు వెళ్లాలని నిర్ణయించుకున్నారని సమాచారం. ఈ న్యూస్ కోలీవుడ్ లో భారీ సంచలనం సృష్టిస్తుంది. కోలీవుడ్ ఇండస్ట్రీలో మంచి మాస్ డైరెక్టర్ గా లింగు స్వామికి మంచి పేరు ఉంది. చాలామంది తమిళ టాప్ హీరోలు మాత్రమే కాదు తెలుగులో కూడా పలువురు స్టార్ హీరోలు ఈ డైరెక్టర్ తో పని చేయడానికి ఇంట్రెస్ట్ చూపిస్తున్నారు. లింగస్వామి తో సినిమా చేయడానికి మెగా పవర్ స్టార్ రామ్ చరణ్ అదేవిధంగా స్టైలిష్ స్టార్ అల్లు అర్జున్ కూడా గ్రీన్ సిగ్నల్ఇచ్చారట.
మమ్ముట్టి నటించిన ఆనందం సినిమాతో డైరెక్టర్గా ఇండస్ట్రీకి ఎంట్రీ ఇచ్చారు లింగుస్వామి. ఆ తర్వాత వరుసగా బ్యాక్ టు బ్యాక్ హిట్ సినిమాలతో మంచి స్టార్ డమ్ సంపాదించారు. ఇక లింగుస్వామి ఆయన సొదరుడు సుభాష్ పేరు మీద తిరుపతి బ్రదర్స్ పేరుతో ప్రొడక్షన్ హౌస్ కూడా ఉంది. ఇటువంటి తరుణంలో ఆయనకు జైలు శిక్ష పడటం దక్షిణాది ఫిలిం ఇండస్ట్రీలోనే సంచలనంగా మారింది.