ఫ్యాన్స్ కి గుడ్ న్యూస్ చెప్పిన హృతిక్ రోషన్.. క్రిష్ 4 లేటెస్ట్ అప్డేట్!
ఇండియన్ సూపర్ హీరో హృతిక్ రోషన్ కు ఉన్న ఫాలోయింగ్ గురించి ప్రత్యేకంగా చెప్పనవసరం లేదు. క్రిస్ సిరీస్, ధూమ్2 లాంటి చిత్రాలతో హృతిక్ సౌత్ ఆడియన్స్ కు కూడా బాగా చేరువయ్యాడు. హృతిక్ తాజాగా నటించిన వార్ మూవీ గాంధీ జయంతి సందర్భంగా ప్రేక్షకుల ముందుకు వచ్చింది.
హృతిక్ రోషన్ పేరు చెప్పగానే క్రిష్ ప్రాంచైజీ గుర్తుకు వస్తుంది. ఆ చిత్రంలో హృతిక్ ని తప్ప మరో హీరోని ఊహించుకోలేం. ఆ ఫిక్షనల్ క్యారెక్టర్ లో హృతిక్ బాగా ఒదిగిపోయాడు. సూపర్ హీరోలంటే హాలీవుడ్ వాళ్ళని తప్ప మరొకరిని ఊహించుకోలేని రోజుల్లో మనకు కూడా హృతిక్ రూపంలో ఓ సూపర్ హీరో దొరికాడు.
ప్రస్తుతం దేశం మొత్తం క్రిష్ 4 చిత్రం కోసం ఎదురుచూస్తోంది. కొన్ని నెలల క్రితమే క్రిష్ 4కి సంబంధించిన వర్క్ ప్రారంభమైంది. కానీ దర్శకుడు, హృతిక్ రోషన్ తండ్రి అయిన రాకేష్ రోషన్ ఇటీవల క్యాన్సర్ బారీన పడ్డారు. క్యాన్సర్ ప్రాధమిక దశలోనే ఉండడంతో చికిత్స తీసుకుని కోలుకున్నారు. ఈ విషయాన్ని హృతిక్ సోషల్ మీడియా ద్వారా ప్రకటించారు.
వార్ తర్వాత నేను చేయబోయే చిత్రం క్రిష్ 4. త్వరలో మా తండ్రితో కలసి ఈ చిత్రానికి సంబంధించిన వర్క్ ప్రారంభించబోతున్నాం. మా నాన్న క్యాన్సర్ కు గురికావడం వల్ల ఈ ప్రాజెక్ట్ పనులు ఆలస్యమయ్యాయి. ప్రస్తుతం ఆయన కోలుకున్నారు అని హృతిక్ రోషన్ తెలిపాడు. క్రిష్ సిరీస్ లో ఇప్పటి వరకు కోయి మిల్గయా, క్రిష్, క్రిష్ 3 చిత్రాలు వచ్చాయి. క్రిష్ 4 ఈ మూడు చిత్రాలకంటే భారీ స్థాయిలో ఉండబోతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
