Asianet News TeluguAsianet News Telugu

"గౌతమ్ నంద" సెన్సార్ పూర్తి, జులై చివరి వారంలో విడుదల

  • గోపీ చంద్, సంపత్ నంది ల గౌతమ్ నంద సెన్సార్ పూర్తి
  • యు/ఎ సర్టిఫికెట్ దక్కించుకున్న ఈ మూవీ
  • జులై 28న విడుదల చేయాలని ఏర్పాట్లు చేస్తున్న నిర్మాత

 

gautham nanda sensor finished releasing on july28

గోపీచంద్ హీరోగా సంపత్ నంది దర్శకత్వంలో తెరకెక్కిన స్టైలిష్ యాక్షన్ ఎంటర్ టైనర్ "గౌతమ్ నంద". రొటీన్ యాక్షన్ సినిమాలకు భిన్నంగా వైవిధ్యమైన కథనంతో తెరకెక్కిన ఈ చిత్రంలో హన్సిక-కేతరీన్ కథానాయికలు. శ్రీబాలాజీ సినీ మీడియా సంస్థలో జె.భగవాన్-జె.పుల్లారావులు సంయుక్తంగా నిర్మిస్తున్న ఈ చిత్రం నేడు సెన్సార్ కార్యక్రమాలు పూర్తి చేసుకొని "యు/ఎ" సర్టిఫికెట్ అందుకొంది. 2.30 గంటల నిడివి గల "గౌతమ్ నంద" ఆద్యంతం ఆకట్టుకుంటుందని చిత్ర బృందం ఆశిస్తున్నారు. 

 

ఈ సందర్భంగా నిర్మాతలు మాట్లాడుతూ... ‘‘గోపీచంద్‌ పాత్రను సంపత్‌ నంది చాలా స్టైలిష్‌గా, పవర్‌ఫుల్‌గా తెరకెక్కించాడు. కథ–కథనాలే ఈ చిత్రానికి బలం. రెండు పాటలు మినహా సినిమా పూర్తయింది. మా బ్యానర్‌ నుండి వస్తున్న బెస్ట్‌ సినిమాగా ‘గౌతమ్‌ నంద’ నిలుస్తుంది. సినిమా విడుదల జులై 28’’ అన్నారు. ఈ చిత్రానికి  స్క్రిప్ట్‌ కో–ఆర్డినేటర్‌: సుధాకర్‌ పవులూరి, సంగీతం: తమన్, కెమెరా: ఎస్‌. సౌందర్‌ రాజన్, కళ: బ్రహ్మ కడలి, ఫైట్స్‌: రామ్‌–లక్ష్మణ్‌.

Follow Us:
Download App:
  • android
  • ios