డ్రగ్స్ మత్తులో సినీ లోకం
నేడు ప్రపంచ డ్రగ్స్ డే
డ్రగ్స్.. ఇదో మత్తు పదార్థం. ఒక్కసారి అలవాటు అయితే.. దానిని మానేయడం చాలా కష్టం. ఈ డ్రగ్స్ మత్తులో చిక్కుకొని చిత్తు అయిపోయిన వాళ్లు చాలా మందే ఉన్నారు. సెలబ్రెటీల దగ్గర నుంచి సాధారణ యువత వరకు చాలా మందే ఈ డ్రగ్స్ కి బానిసలుగా మారారు. ఇప్పుడు ఇవన్నీ మాకు ఎందుకు చెబుతున్నారు అని అంటారా..? ఈ రోజు ప్రపంచ డ్రగ్స్ డే. కాబట్టి.. సినిమాల్లో విపరీతంగా డ్రగ్స్, మద్యం తదితర అంశాలను ప్రస్తావించిన కొన్ని బాలీవుడ్ సినిమాలపై ఇప్పుడు మనం ఓ లుక్కేద్దాం
గ్లోబల్ స్టార్ ప్రియాంక చోప్రా నటించిన ఫ్యాషన్ సినిమా చూసే ఉంటారు. మోడలింగ్ ప్రపంచాన్ని చాలా దగ్గర నుంచి చూపించిన సినిమా ఇది. ప్రియాంక, కంగనా మొయిన్ రోల్స్ ప్లే చేసిన ఈ సినిమాకి మధు బండార్కర్ దర్శకత్వం వహించారు. ఇందులో సూపర్ మోడల్ అయిన ప్రియాంక డ్రగ్స్ కి అలవాటు పడుతుంది. చెయిన్ స్మోకర్ కూడా. అంతేకాదు ఈ సినిమాలో ప్రియాంక, కంగనారనౌత్ ల రూమ్స్ లలో కొకైన్ కూడా దొరుకుతుంది.
దమ్ మారే దమ్.. అభిషేక్ బచ్చన్, రానా దగ్గుబాటి, బిపాషా బసు లు ముఖ్య పాత్రలు పోషించిన ఈ సినిమాకి రోహన్ సిప్పి దర్శకత్వం వహించారు. ఈ సినిమా కూడా డ్రగ్స్ నేపథ్యంలో తెరకెక్కించినదే. చాలా మంది డ్రగ్స్ తీసుకుంటూ.. స్మోక్ చేస్తూ కనిపిస్తారు.
సైతాన్.. ఈ సినిమాలో కొందరు యువత మత్తులో కారు నడిపి.. అమాయకుల ప్రాణాలను బలితీసుకుంటారు. ఈ నేపథ్యంలో సినిమా నడుస్తుంది. అనురాగ్ కశ్యప్ ఈ సినిమాకి నిర్మాతగా వ్యవహరించగా..కల్కి కొచ్చిన్ ప్రధాన పాత్ర పోషించారు.
గో గోవా గాన్...ఇదొక ఇండియన్ జుంబాబ్వే సినిమా. దీనిలో కునాల్, వీర్ దాస్, ఆనంద్ తివారీలు కీలక పాత్రలు పోషించారు. ఈ ముగ్గురు స్నేహితులు పార్టీ కోసం గోవా వెళతారు. అక్కడ డ్రగ్స్ తీసుకొని ఎంజాయ్ చేస్తారు. ఈ నేపథ్యంలో సినిమా సాగుతుంది.
గ్యాంగ్స్ ఆఫ్ వాసేపూర్...అనురాగ్ కశ్యప్ దర్శకత్వం వహించిన ఈ సినిమా మాఫియా నేపథ్యంలో సాగుతుంది. నవాజుద్దీన్ సిద్ధిఖీ ప్రధాన పాత్ర పోషించారు. దీనిలో కూడా ప్రధాన పాత్రలు ఎక్కువగా మత్తు పదార్థాలు తీసుకోవడం లాంటి సన్నివేశాలు ఉంటాయి.
రాగినీ ఎంఎంఎస్ 2.. ఈ సినిమాలో సంద్యా మ్రిదుల్, సన్నీ లియోన్ ప్రదాన పాత్రలు పోషించారు. నటీనటులు స్మోక్ చేయడం, డ్రగ్స్ తీసుకోవడం లాంటి సన్నివేశాలు ఎక్కువగానే ఉంటాయి.
హీరోయిన్.. ఈ సినిమాలో కరీనా కపూర్ ప్రధాన పాత్ర పోషించారు. మధుర్ బండార్కర్ దర్శకత్వం వహించారు. ఈ సినిమాలో బోల్డ్ గా కనిపించిన కరీనా.. చెయిన్ స్మోకర్ , ఆల్కహాలిక్ గా కనపడతారు.
ఉడ్తా పంజాబ్.. ఈ సినిమా కూడా డ్రగ్స్ నేపథ్యంలోనే సాగుతుంది. కాకపోతే ఇందులో డ్రగ్స్ కి బానిసలైన పలువురి నేపథ్యాన్ని వివరించారు. ఇక అనుష్క శర్మ కూడా ఎన్ హెచ్ 10 సినిమాలో స్మోక్ చేస్తూ కనపడుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
