Asianet News TeluguAsianet News Telugu

లాక్ డౌన్‌లో హీరో పెళ్లి.. ఫైర్‌ అయిన హీరోయిన్‌

మాజీ ముఖ్యమంత్రి తనయుడు, యంగ్ హీరో నిఖిల్ గౌడ వివాహం లాక్‌ డౌన్‌ ఆంక్షలు కొనసాగుతున్న సమయంలో నిర్వహించటంపై ఆగ్రహం వ్యక్తమవుతోంది. తాజాగా బాలీవుడ్‌ నటి రవీనా టండన్‌ ఈ వేడుకపై సెటైర్‌ వేశారు.

Ravena Tandon Slams Nikhil Kumaraswamy Marriage
Author
Hyderabad, First Published Apr 18, 2020, 9:43 AM IST
  • Facebook
  • Twitter
  • Whatsapp

సాండల్‌ వుడ్‌ యంగ్ హీరో, మాజీ ముఖ్యమంత్రి కుమార స్వామి తనయుడు నిఖిల్‌ గౌడ వివాహం శుక్రవారం  ఘనంగా జరిగింది. ఈ వివాహంపై సీనియర్ నటి రవీనా టండన్ ఆగ్రహం వ్యక్తం చేశారు. దేశ వ్యాప్తంగా లాక్ డౌన్‌ కొనసాగుతున్న సమయంలో పెళ్లి చేసుకోవటం ఎంటీ అంటూ కౌంటర్‌ ఇచ్చింది ఈ బ్యూటీ. నిఖిల్ వివాహం బెంగళూరు సమీపంలోని రామనగర ఫాం హౌస్‌లో ఈ వివాహ వేడుక జరిగింది. కాంగ్రెస్ నేత, మాజీ మంత్రి, ఎమ్‌ కృష్ణప్ప మేనకోడలు రేవతిని నిఖిల్ వివాహం చేసుకున్నాడు.

కుటుంబ సభ్యులు, అత్యంత సన్నిహితుల మధ్య జరిగిన ఈ కార్యక్రమానికి దాదాపు 60 మంది ఈ వేడుకకు హాజరైనట్టుగా వెల్లడించారు. అయితే ఈ వేడుకలో ఎవరూ కూడా మాస్క్‌లు ధరించకపోవటం, సోషల్ డిస్టాన్స్‌ మెయిన్‌టైన్‌ చేయకపోవటంపై ఆగ్రహం వ్యక్తమవుతోంది. దీంతో కర్ణాటక ప్రభుత్వం విచారణకు ఆదేశించింది. లాక్‌ డౌన్‌ నింబంధనలు పాటించకపోయి ఉంటే చర్యలు తప్పవని ఉప ముఖ్యమంత్రి అశ్వంత్‌ నారాయణ్ హెచ్చరించారు.

ఈ పెళ్లిపై స్పదించిన రవీనా.. కరోనా లాక్‌ డౌన్‌ కారణంగా ప్రజలు సంక్షోభంలో ఉన్నారు. తమ కుటుంబ సభ్యులను కూడా చేరలేకపోతున్నారు. ఆకలితో అలమటిస్తున్నారు. మరోపక్క కొందరు తమ శక్తి మేరకు పేదలకు సాయం అంధిస్తున్నారు. కానీ డబ్బున్న వారు మాత్రం ఈ నిబందనలేవీ పట్టించుకోవటం లేదని సామాన్యుల కష్టాలు వారికి పట్టండం లేదు. పెళ్లి విందులో ఏం వడ్డించారో..` అంటూ ఆమె పరోక్షంగా విమర్శించారు.

Follow Us:
Download App:
  • android
  • ios