`ఆచార్య`పై మరో రూమర్.. ఒకే సినిమాలో టామ్ అండ్‌ జెర్రీ
మెగాస్టార్ చిరంజీవి హీరోగా తెరకెక్కుతున్న తాజా చిత్రం ఆచార్య. కొరటాల శివ దర్శకత్వంలో తెరకెక్కుతున్న ఈ సినిమాపై రోజుకో రూమర్ వినిపిస్తోంది. ఆచార్యలో మోహన్‌ బాబు కీలక పాత్రలో నటిస్తున్నాడట.
టాలీవుడ్‌లో మెగాస్టార్ చిరంజీవి, కలెక్షన్‌ కింగ్‌ మోహన్‌ బాబులకు ఉన్న అనుబంధం గురించి అందరికీ తెలిసిందే. ఒక్కోసారి ఎంతో ప్రేమగా, మరోసారి కాస్త వెటకారంగా మాట్లాడుకునే ఈ ఇద్దరిదీ టామ్ అండ్‌ జెర్రీ బంధం అని అంతా అనుకుంటారు. అయితే ఇరు కుటుంబాల మధ్య ఇటీవల మంచి సాన్నిహిత్యమే కనిపిస్తుంది. అయితే తాజాగా ఈ ఇద్దరు సీనియర్ హీరోలు ఒకే సినిమాలో కలిసి నటించబోతున్నారట.
మెగాస్టార్ చిరంజీవి హీరోగా తెరకెక్కుతున్న తాజా చిత్రం ఆచార్య. కొరటాల శివ దర్శకత్వంలో తెరకెక్కుతున్న ఈ సినిమాపై రోజుకో రూమర్ వినిపిస్తోంది. ముందుగా ఈ సినిమాలో మెగా పవర్ స్టార్ రామ్ చరణ్‌ కీలక పాత్రలో నటిస్తున్నడాన్న వార్త వైరల్‌ అయ్యింది. అయితే చరణ్‌ స్థానంలో మహేష్ బాబును తీసుకున్నాడన్న టాక్‌ వినిపించింది. కానీ మహేష్ ఈ సినిమాలో నటిస్తున్నట్టుగా వచ్చిన వార్తలు రూమర్స్ అంటూ కొట్టి పారేశారు చిత్రయూనిట్.
తాజాగా ఈ సినిమాకు సంబంధించి మరో రూమర్ బయటకు వచ్చింది. ఆచార్యలో మోహన్‌ బాబు కీలక పాత్రలో నటిస్తున్నాడట. గతంలో చిరు మోహన్‌ బాబు చాలా సినిమాల్లో కలిసి నటించారు. కానీ ఈ మధ్య కాలంలో వాళ్లు ఎప్పుడూ కలిసి నటించలేదు. దీంతో ఈ కాంబినేషన్‌పై మరింత క్రేజ్‌ ఏర్పడింది. మరి నిజంగానే మోహన్‌ బాబు ఆచార్యలో నటిస్తున్నాడా..? మహేష్ బాబు పేరు లాగే.. మోహన్‌ బాబు పేరు కూడా తెర మీదకు వచ్చిందా..? తెలియాలంటే అధికారిక ప్రకటన వచ్చే వరకు వెయిట్ చేయాల్సిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
