మాస్‌ మహారాజా రవితేజ హీరోగా వీఐ ఆనంద్‌ దర్శకత్వంలో రూపొందిన చిత్రం ‘డిస్కో రాజా’. నభా నటేష్, పాయల్‌ రాజ్‌పుత్, తాన్యా హోప్‌లు హీరోయిన్స్ గా నటించిన ఈ చిత్రాన్ని రామ్‌ తాళ్లూరి నిర్మించారు. ఇప్పటికే విడుదలైన చిత్ర పోస్టర్లు, టీజర్‌, పాటలు సినిమాపై ఎక్సపెక్టేషన్స్ ను అమాంతం పెంచేశాయి. ఇక జనవరి 24న విడుదల కాబోతున్న ఈ చిత్రం తాజాగా సెన్సార్‌ పూర్తి చేసుకుంది. ఈ చిత్రాన్ని చూసిన సెన్సార్‌ సభ్యులు యూ/ఏ సర్టిఫికేట్‌ జారీ చేశారు. ఈ నేపధ్యంలో ఈ చిత్రం ప్రీ రిలీజ్ బిజినెస్ ఏ స్దాయిలో జరిగిందో ఓ లుక్కేద్దాం.

నిర్మాతలిచ్చిన చెక్కులు చించేశా.. హీరో రవితేజ కామెంట్స్!

ట్రేడ్ వర్గాల నుంచి అందుతున్న సమాచారం మేరకు ఈ చిత్రం ప్రీ రిలీజ్ బిజినెస్ 19.50 కోట్లు జరిగింది. పబ్లిసిటీ, ప్రింట్లు ఖర్చులు కలుపుకుంటే కలుపుకుంటే మరో రెండు నుంచి మూడు కోట్లు అవుతాయి. అంటే ఈ సినిమా బ్రేక్ ఈవెన్  కావాలంటే 22 కోట్ల షేర్ వస్తే సరిపోతుంది. ఏరియావైజ్ బ్రేకప్ లిస్ట్ చూద్దాం:

ఏరియా                                   బిజినెస్ (కోట్లలో)

--------------------                ----------------------------------------

నైజాం..............................        6.00

సీడెడ్................................      2.75

నెల్లూరు................................   0.65

కృష్ణ.......................................  1.25

గుంటూరు................................ 1.50

వైజాగ్ ....................................  1.95

ఈస్ట్ గోదావరి............................ 1.25

వెస్ట్ గోదావరి............................. 1.05

మొత్తం ఆంధ్రా & తెలంగాణా.... 16.40

కర్ణాటక ...................................... 1.10

భారత్ లో మిగతా ప్రాంతాలు.....   0.50

ఓవర్ సీస్ ..................................  1.50

ప్రపంచ వ్యాప్తంగా మొత్తం ప్రీ రిలీజ్ బిజినెస్ రూ.19.50 కోట్ల వరకు జరిగింది. 

 2019లో రవితేజ ఒక్క సినిమా కూడా రిలీజ్ కాలేదు. దీంతో ఆ లోటును ‘డిస్కో రాజా’ను భర్తీ చేస్తుందని రవితేజ భావిస్తున్నాడు. దానికి తోడు సైన్స్‌ ఫిక్షన్‌ జానర్‌లో రవితేజ తొలిసారి నటిస్తుండటం విశేషం. ‘ఎక్కడికిపోతావ్‌ చిన్నవాడా, ఒక్క క్షణం’ లాంటి భిన్నమైన చిత్రాలతో విమర్శకుల ప్రశంసలు అందుకున్న వీఐ ఆనంద్‌.. రవితేజతో ఓ కొత్త ప్రయోగం చేసారని చెప్తున్నారు. తమన్‌ సంగీతమందిస్తున్న ఈ చిత్రానికి కార్తిక్ ఘట్టమనేని సినిమాటోగ్రఫీ అందించారు.