త్వరలో ఆ నాలుగు బ్యాంకుల ప్రైవేటీకరణ.. ప్రభుత్వ కొత్త ప్రణాళిక ఏమిటో తెలుసుకోండి..
బడ్జెట్‌2020-21లో ప్రభుత్వ రంగ బ్యాంకులను ప్రైవేటీకరించనున్నట్లు ఆర్థిక మంత్రి నిర్మల సీతారామన్ ప్రకటించారు. అయితే ఆ ప్రభుత్వ బ్యాంకుల పేర్లను వెల్లడించలేదు.
1 ఫిబ్రవరి 2021న సమర్పించిన బడ్జెట్‌2020-21లో ప్రభుత్వ రంగ బ్యాంకులను ప్రైవేటీకరించనున్నట్లు ఆర్థిక మంత్రి నిర్మల సీతారామన్ ప్రకటించారు. అయితే ఆ ప్రభుత్వ బ్యాంకుల పేర్లను వెల్లడించలేదు.
దీనికి సంబంధించి వినియోగదారుల మనస్సులలో కొద్దిరోజులుగా ప్రశ్నలు తలెత్తుతున్నాయి. ఏ ఏ బ్యాంకులు రాబోయే రోజుల్లో ప్రైవేట్ బ్యాంకులుగా మారుతాయో తెలుసుకోండి..
ఈ నాలుగు బ్యాంకులను విలీనం చేయవచ్చు
ప్రైవేటీకరణ కోసం ప్రభుత్వం నాలుగు మధ్య తరహా బ్యాంకులను షార్ట్‌లిస్ట్ చేసిందని ప్రభుత్వ వర్గాలు తెలిపాయి. కొన్ని మూలాల ప్రకారం, బ్యాంక్ ఆఫ్ మహారాష్ట్ర, బ్యాంక్ ఆఫ్ ఇండియా, ఇండియన్ ఓవర్సీస్ బ్యాంక్, సెంట్రల్ బ్యాంక్ ఆఫ్ ఇండియాను ప్రభుత్వం ప్రైవేటీకరించవచ్చు.
ఒకవేళ అనుకున్న విధంగా ఈ బ్యాంకులు ప్రైవేటీకరించబడితే అది నేరుగా వినియోగదారులను ప్రభావితం చేయవచ్చు.
అందువల్లనే ప్రైవేటీకరణ ప్రణాళిక
ప్రస్తుతం కేంద్ర ప్రభుత్వం పెట్టుబడులు పెట్టడంపై ఎక్కువ దృష్టి సారించింది. ప్రభుత్వ బ్యాంకుల్లో వాటాను విక్రయించడం ద్వారా ఆదాయాన్ని పెంచాలని, ఆ డబ్బును ప్రభుత్వ పథకాలపై ఉపయోగించాలని ప్రభుత్వం కోరుకుంటుంది.
also read 2020-21సంవత్సరానికి దేశ జిడిపిలో 1.58% ఆరోగ్య రంగాలకి కేటాయింపు: కేంద్ర ఆరోగ్య మంత్రిత్వ శాఖ ...
2021-22లో పెట్టుబడుల నుంచి రూ .1.75 లక్షల కోట్లు సేకరించాలని ప్రభుత్వం లక్ష్యంగా పెట్టుకుంది. ఈ దృష్ట్యా దేశంలో రెండవ అతిపెద్ద చమురు సంస్థ భారత్ పెట్రోలియం కార్పొరేషన్ లిమిటెడ్ (బిపిసిఎల్) లో తన మొత్తం వాటాను విక్రయించాలని ప్రభుత్వం యోచిస్తోంది.
వినియోగదారులకు ఎలాంటి నష్టం జరగదు
బ్యాంకుల ప్రైవేటీకరణ కారణంగా వినియోగదారులను భయపడాల్సిన అవసరం లేదు, ఎందుకంటే ప్రైవేటీకరించబోయే బ్యాంక్ హోల్డర్లకు ఎటువంటి నష్టం జరగదు. వినియోగదారులు ఎప్పటిలాగే బ్యాంకింగ్ సేవలను స్వీకరిస్తారు.
ఈ నాలుగు బ్యాంకుల్లో ప్రస్తుతం 2.22 లక్షల మంది ఉద్యోగులు పనిచేస్తున్న విషయం తెలిసిందే. బ్యాంక్ ఆఫ్ మహారాష్ట్రలో తక్కువ సిబ్బంది ఉన్నందున దాని ప్రైవేటీకరణ సులభంగా ఉండవచ్చనని సంబంధిత వర్గాలు చెబుతున్నాయి.
సమస్యాత్మక రాష్ట్ర బ్యాంకుల ప్రైవేటీకరణ చాలా ముఖ్యం
గత ఏడాది రిజర్వ్ బ్యాంక్ ఆఫ్ ఇండియా (ఆర్‌బిఐ) గవర్నర్, ఆర్థికవేత్త రఘురామ్ రాజన్, మాజీ డిప్యూటీ గవర్నర్ వైరల్ ఆచార్య లేఖలో భారత బ్యాంకింగ్ వ్యవస్థను బలోపేతం చేయాలని సూచించారు. కొన్ని సమస్యాత్మక ప్రభుత్వ బ్యాంకుల ప్రైవేటీకరణ చాలా ముఖ్యం, తద్వారా చెడు రుణాల భారాన్ని తగ్గించవచ్చు.
మొదట ప్రభుత్వ రంగ బ్యాంకుల్లో వాటా మార్చాలని ఆయన అన్నారు. చెడు రుణాల సమస్యలు చాలావరకు ప్రభుత్వ రంగ బ్యాంకుల్లో ఉన్నందున ఇది బ్యాంకుల పనితీరును ప్రభావితం చేస్తుంది. తీసుకున్న అప్పులను తిరిగి పొందడం కూడా కష్టం. ప్రైవేటీకరణతో ముందుకు వెళితే ప్రభుత్వం వాటాలను అమ్మడం ద్వారా కొత్త మూలధనాన్ని కూడా పొందవచ్చు అని సూచించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
