సరదాగా భార్యకు తుపాకి చూపిస్తుంటే మిస్ ఫైర్: హోంగార్డు భార్య మృతి
తుపాకితో సరదా ఓ నిండు ప్రాణాన్ని బలి తీసుకుంది. తన వద్ద ఉన్న ఎఎస్పీ తుపాకిని సరదాగా ఓ హోంగార్డు తన భార్యకు చూపిస్తూ ఉండగా అది మిస్ ఫైర్ అయింది. దాంతో హోంగార్డు భార్య మరణించింది.
 )
Followవిజయవాడ: ఆంధ్రప్రదేశ్ రాష్ట్రంలోని విజయవాడలో విషాదకరమైన సంఘటన చోటు చేసుకుంది. దురదృష్టవశాత్తు తుపాకి పేలి హోం గార్డు భార్య మరణించింది. భార్యకు సరదాగా హోం గార్డు వినోద్ తూపాకి చూపించాడు. ఆ సమయంలో అది మిస్ ఫైర్ అయింది. దాంతో హోం గార్డు భార్య సూర్యరత్నప్రభ అక్కడికక్కడే మరణించింది.
ఈ సంఘటనపై భవానీపురం పోలీసులు దర్యాప్తు చేస్తున్నారు. హోంగార్డు వద్ద పేలిన తుపాకి ఏఎస్పీది. హోంగార్డు, ఎఎఎస్పీ మూడు రోజుల క్రితం అనంతపురం పర్యటనకు వెళ్లారు. ఆ సమయంలో ఎఎస్పీ తన తుపాకిని హోంగార్డు వద్ద పెట్టాడు.
అయితే, ఏఎస్పీ తుపాకి హోంగార్డు వినోద్ వద్దనే ఉంది. దాన్ని భార్య సూర్యరత్నప్రభకు వినోద్ సరదా చూపించడం ప్రారంభించాడు. ఆ సమయంలో అది మిస్ ఫైర్ అయింది. సీఎం సెక్యూరిటీ వింగ్ ఎఎస్పీ అసిస్టెంట్ గా వినోద్ పనిచేస్తున్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
