కాఫీని ఇలా వాడితే జుట్టు మెరవడం పక్కా

కాఫీ మనకు చాలా ప్రయోజనాలు అందిస్తుంది. ఇందులో ఉండే యాంటీ ఆక్సిడెంట్స్ ఫ్రీరాడికల్స్ నుంచి కాపాడతాయి. ఆరోగ్యానికే కాదు జుట్టు అందంగా మార్చడానికి కూడా కాఫీ చాలా మంచిది.

 

 

ఇది జుట్టుని దృఢంగా చేస్తుంది. దీని వాడకం వల్ల జుట్టు బాగా పెరుగుతుంది. జుట్టు మెరిసేలా చేయడంలో కూడా ఇది ఉపయోగపడుతుంది.

దీన్ని హెయిర్ మాస్క్ లా వాడుకోవచ్చు. ఒక గిన్నెలో రెండు చెంచాల కాఫీ పొడి వేసి, ఒక కప్పు పెరుగు లేదా కలబంద గుజ్జు కలపండి.

ఈ మిశ్రమాన్ని జుట్టు కుదుళ్ల నుండి చివర్ల వరకు 30-40 నిమిషాలు బాగా పట్టించాలి. తర్వాత మైల్డ్ షాంపూతో జుట్టుని శుభ్రం చేసుకోవాలి.

ఇలా చేయడం వల్ల జుట్టు కుదుళ్లకు పోషణ లభిస్తుంది. జుట్టు మృదువుగా, మెరిసేలా తయారవుతుంది. జుట్టుకి సంబంధించిన ఇతర సమస్యలు కూడా తగ్గుతాయి.