ఇంటర్నెట్లో ప్రతిదీ వెతుకుతున్నారా ? మీకు కూడా ఈ వ్యాధి రావచ్చు..
By Ashok kumar Sandra | First Published May 6, 2024, 7:20 PM ISTఇప్పుడు జబ్బు వస్తే ఆసుపత్రికి పరుగెత్తే సమయం కాదు. ముందుగా మొబైల్‌లో ఉండే ఇంటర్నెట్లో సెర్చ్ చేసేవారు డాక్టర్ల కంటే తమకు ఎక్కువ తెలిసినట్లుగా ఫీలవుతుంటారు. ఇంటర్నెట్ ద్వారానే ఏ వ్యాధికి ఏ మందు వేయాలో తెలుసుకుంటుంటారు. మీకు కూడా ఈ అలవాటు ఉంటే ఈ వార్త చదవండి...
ఇప్పుడు మన అరచేతిలో ప్రపంచం ఉంది. సెకనులో ఏ మూలలో ఏం జరుగుతుందో తెలుసుకోవచ్చు. మిస్సయిన ఫ్రెండ్స్ నుండి ఏ వ్యాధికి ఎం మందు వంటి అన్ని సమాచారం మనకు ఇంటర్నెట్లో అందుబాటులో ఉంది. దీనివల్ల ఎంతోమందికి మేలు జరుగుతుండగా, కొందరికి తెలియకుండానే నష్టం వాటిల్లుతుంది.
మొబైల్ లోనే సమస్త సమాచారం అందుబాటులో ఉండడంతో వ్యాధి కనిపించిన వెంటనే వైద్యుల వద్దకు వెళ్లకుండా ఇంటర్నెట్ సెర్చ్ చేస్తుంటారు చాలామంది. వారు వ్యాధి లక్షణాలను ఇంటర్నెట్లో టైప్ చేసి, అది ఏ వ్యాధి అని తెలుసుకోవడానికి ప్రయత్నిస్తుంటారు. వారు వ్యాధిని గుర్తించడమే కాకుండా హోమ్ రెమెడీస్ లేదా మెడిసిన్స్ కూడా తీసుకుంటారు. ఒక వ్యక్తికి జ్వరం లేదా దగ్గు ఉన్నా, అతను మొదట ఇంటర్నెట్లో పేర్కొన్న అన్ని హోమ్ టిప్స్ లేదా మందులను ప్రయత్నిస్తున్నారు. ఈ మందులలో ఏదీ ప్రభావం చూపకపోతే, అప్పుడు అతను డాక్టర్ వద్దకు వెళ్తాడు. మైనర్ నుంచి మేజర్ వరకు ఏదైనా జబ్బు వచ్చినప్పుడు డాక్టర్ దగ్గరకు వెళ్లకుండా మీరు కూడా ఇంటర్నెట్ పై ఆధారపడితే ఇప్పుడే మేల్కోండి. మీరు ఇడియట్ సిండ్రోమ్‌తో బాధపడుతూ ఉండవచ్చు. ఇడియట్ సిండ్రోమ్ అంటే ఏమిటి, దాని దుష్ప్రభావాలు, పరిష్కారం గురించి సమాచారం మీకోసం....
Latest Videos
undefined
ఇడియట్ సిండ్రోమ్ అంటే ఏమిటి? : ఇంటర్నెట్ డెరైవ్డ్ ఇన్ఫర్మేషన్ అబ్స్ట్రక్టింగ్ ట్రీట్మెంట్ని ఇడియట్ సిండ్రోమ్ అంటారు. ఇది వ్యక్తి మానసిక స్థితికి సంబంధించినది. అయితే ఈ వ్యక్తి డాక్టర్ కంటే ఇంటర్నెట్‌ని ఎక్కువగా నమ్ముతాడు. ఇంకా అతను ఇంటర్నెట్ సహాయంతో వ్యాధికి చికిత్స పొందడానికి ప్రయత్నిస్తాడు.
ఇడియట్ సిండ్రోమ్ లక్షణాలు: మొదటి లక్షణం ఏమిటంటే, వ్యక్తి వైద్యుడి మాటలు, చికిత్సపై నమ్మకం కోల్పోవడం. అలాగే ఇంటర్నెట్ అన్నింటికీ సహాయపడుతుందని నమ్మడం. తీవ్రమైన అనారోగ్యంగా భావించే వ్యక్తి తనను బాధిస్తున్న లక్షణాలు తగ్గకపోగా నిస్పృహకు లోనవుతాడు. తరువాత అతను ఆందోళన చెందడం మొదలవుతుంది.
ఇడియట్ సిండ్రోమ్ కారణాలు: ఇడియట్ సిండ్రోమ్ కి అనేక కారణాలు ఉన్నాయి. ఇది తరచుగా మెదడులోని రసాయన మార్పులు, జన్యుపరమైన కారణాల వల్ల వస్తుంది. మానసిక స్థితి కూడా దీనికి కారణం. కొందరు నెగటివ్ భావాలను పెంచుకుంటారు. అసలు సమస్య నుంచి పారిపోయేందుకు ప్రయత్నిస్తారు. అంతేకాదు, రోగికి వ్యాధి గురించిన సరైన సమాచారం వైద్యుని నుండి అందకపోతే లేదా తగిన చికిత్స అందుబాటులో లేకుంటే ప్రజలకు వైద్యునిపై నమ్మకం పోతుంది. ఇంటర్నెట్లో సమాచారం పొందాలనుకుంటారు. ఇంటర్నెట్లో లభించిన సమాచారంతో చిన్నపాటి జబ్బు నయమైనప్పుడు వారికి నమ్మకం రెట్టింపు అవుతుంది. డబ్బు లేకపోవడం కూడా తరచుగా వైద్యుల వద్దకు వెళ్లే బదులు ఇంటర్నెట్ వైపు మళ్లేలా ప్రజలను ప్రేరేపిస్తుంది.
ఇడియట్ సిండ్రోమ్ నుండి బయటపడటం ఎలా? : మీరు ఇడియట్ సిండ్రోమ్ నుండి బయటపడాలి అని మీరు దీన్ని సీరియస్‌గా తీసుకోవాలి. ముందుగా మొబైల్ వాడకాన్ని తగ్గించుకోవాలి. మీకు పైన పేర్కొన్న లక్షణాలు ఏవైనా ఉంటే, మీరు వైద్యుడిని సంప్రదించి చికిత్స పొందాలి. మీరు ఏ వ్యాధితో బాధపడుతున్నా, ముందుగా వైద్యుడిని సంప్రదించండి. మెడికల్ వెబ్‌సైట్‌లోనే సమాచారాన్ని పొందండి. సరైన సమాచారం లేకుండా ఇంటర్నెట్లో మీరు చుసిన ప్రతిదాన్ని నమ్మవద్దు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి