Lifestyle
సాధారణంగా నొప్పులను లైట్ తీసుకుంటాం. కానీ తీవ్రమైన తలనొప్పి, వెన్నునొప్పి, మెడనొప్పి, కండరాలు బిగుతుగా మారడం కూడా మానసిక ఒత్తిడి ప్రాథమిక లక్షణాలుగా చెబుతున్నారు.
మానసిక ఒత్తిడితో బాధపడేవారిలో ఏ పనిపైనా ఆసక్తి ఉండదు. పనులపై శ్రద్ధ తగ్గుతుంది, ఏ పని చేయడానికి ఇష్టపడరు. అలాగే కూర్చుండిపోతారు.
ఒత్తిడి, ఆందోళనతో బాధపడేవారిలో ఛాతిలో నొప్పి, గుండె దడ వంటి లక్షణాలు కనిపిస్తాయి. ఇలాంటి లక్షణాలు కనిపిస్తే అస్సలు లైట్ తీసుకోకూడదు.
మానసిక ఒత్తిడి ఉన్న వారి ఆహారపు అలవాట్లు కూడా మారుతుంటాయి. ముఖ్యంగా స్వీట్లు, జంక్‌ ఫుడ్‌ ఎక్కువ తినాలనిపిస్తుంటుంది. ఆకలి కూడా తగ్గిపోతుంది.
అకారణంగా కోపం రావడం. చిన్న చిన్న విషయాలను మర్చిపోతుండడం, ఆందోళన కలుగుతుండడం వంటి లక్షణాలు కూడా మానసిక ఒత్తిడికి సంకేతంగా భావించాలి.
హైపర్‌ టెన్షన్‌, ఒత్తిడితో బాధపడేవారిలో తీవ్ర అలసట, నిస్సత్తువ కనిపిస్తుంది. అలాగే తరచూ నోరు పొడిబారుతున్నా అది మానసిక ఒత్తిడికి సంకేతంగా భావించాలి.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఇలాంటి లక్షణాలు కనిపిస్తే మంచి మానసిక వైద్యుడిని సంప్రదించడం ఉత్తమం.