Lifestyle
కొత్తగా పెళ్లైన జంట ఎలాంటి కంట్రోల్ టిప్స్‌ పాటించకపోయినా గర్భం దాల్చకపోతే వైద్యులను సంప్రదించాలని నిపుణులు చెబుతున్నారు. అలాగే కొన్ని రకాల తప్పులు చేయొద్దని సూచిస్తున్నారు.
చాలా మంది జంటలు ప్రెగ్నెన్సీ ప్లాన్‌ చేయాలనే ఆలోచన వచ్చిన వెంటనే కన్జీవ్‌ అవ్వాలనే ఆలోచనలో ఉంటారు. అయితే ఇది ఒత్తిడికి దారి తీస్తుందని చెబుతున్నారు.
వేరే జంటలతో పోల్చుకోవడం కూడా మానేయాలి. వారికి, మాకు ఒకేసారి వివాహమైంది. వారు మాకంటే ముందే పేరెంట్స్‌ కాబోతున్నారన్న టెన్షన్‌ పడకండి. ఈ ఒత్తిడి ఇబ్బందులకు దారి తీస్తుంది.
ఇదే సమయంలో గర్భం దాల్చాలి, సరిగ్గా ఇదే నెలలో కన్జీవ్‌ అవ్వాలనే ఆలోచనను మానుకోండి. దీనివల్ల కూడా మానసిక ఒత్తిడి పెరుగుతుంది.
ప్రెగ్నెన్సీ ప్లాన్‌ చేసుకునే ముందు మహిళలు కచ్చితంగా ఫోలిక్‌ యాసిడ్ సప్లిమెంటరీలను తీసుకోవాలి. దీనివల్ల గర్భం దాల్చే అవకాశాలు పెరుగుతాయి. అలాగే గర్భం ఆరోగ్యంగా ఉంటుంది.
ప్రెగ్నెన్సీ ప్లాన్‌ చేసే కనీసం 6 నెలల ముందు నుంచే చెడు అలవాట్లను పూర్తిగా మానేయాలి. పురుషులు ఆల్కహాల్‌, స్మోకింగ్‌కు దూరంగా ఉండాలి.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.