ఏపీలో ఈ ప్రదేశాలను ఒక్కసారైనా సందర్శించాల్సిందే..

తిరుపతి అనగానే ఆధ్యాత్మికభావన కలగడం ఖాయం. కలియుగ వైకుంఠం శ్రీ వెంకటేశ్వర స్వామి కొలువైన తిరుమల కచ్చితంగా సందర్శించాల్సిన ప్రాంతాల్లో ఒకటి. 
 

ప్రకృతి రమణీయతకు పెట్టింది పేరైన అరకు వ్యాలీని ఒక్కసారైనా చూడాల్సిందే. ఇక్కడి పచ్చటి పర్వత ప్రాంతాలు, కాఫీ తోటలు పర్యాటకులను కట్టి పడేస్తాయి

ఏపీలో కచ్చితంగా చూడాల్సిన ప్రదేశాల్లో విశాఖపట్నం ఒకటి. ఇక్కడి ఆర్కే బీచ్‌, రుషికొండ బీచ్‌, కైలాసగిరి, సబ్‌మెరైన్ మ్యూజియం, సింహాచలం కచ్చితంగా చూడాల్సిందే. 
 

కడప జిల్లాలో ఉన్న గండికోట కూడా కచ్చితంగా చూడాల్సిందే ప్రదేశాల్లో ఒకటి. భారత్‌ గ్రాండ్ కేనియన్‌గా పేరుగాంచిన ఈ ప్రదేశాన్ని కచ్చితంగా వీక్షించాల్సిందే. 
 

శ్రీ సత్యసాయి బాబా జన్మస్థలం అయిన పుట్టపర్తిని కచ్చితంగా వీక్షించాల్సిందే. ఆధ్యాత్మిక చైతన్యానికి ప్రతీకగా నిలిచి ఇక్కడి ప్రశాంతి నిలయం ఎంతో ప్రశాంతంగా ఉంటుంది. 

విజయవాడ కనకదుర్గ దేవీని దర్శించుకునేందుకు ఏటా దేశ నలుమూలల నుంచి వేలాది మంది పర్యాటకులు వస్తుంటారు. కృష్ణమ్మ పరవళ్లు, విజయవాడ చుట్టూ పక్కల ఉన్న పర్యాటక ప్రదేశాలను వీక్షించాల్సిందే. 
 

ప్రకృతి రమణీయతకు పెట్టింది పేరైన కోనసీమను కూడా ఒక్కసారైనా వీక్షించాల్సిందే. ఇక్కడి పచ్చని కొబ్బరి తోటలు, ప్రశాంతమైన బ్యాక్‌ వాటర్‌, హౌజ్‌ బోట్‌ మంచి అనుభూతిని ఇస్తాయి. 
 

ఏపీలో సందర్శించిన మరో మంచి ప్రదేశాల్లో శ్రీశైలం ఒకటి. నల్లమల అడవులలో కొండల మధ్య కొలువై ఉన్న శ్రీశైల భ్రమరాంబికా మల్లికార్జున స్వామి ఆలయాన్ని సందర్శించడం మరిచిపోలేని ఒక అనుభూతి.