Lifestyle
2024 సంవత్సరాంతంలో oyo తన వార్షిక నివేదిక ట్రావెలోపీడియా 2024ను విడుదల చేసింది. ఈ సంవత్సరం జంటలకు ఇష్టమైన నగరం ఏది, ఎక్కడ అత్యధిక బుకింగ్‌లు జరిగాయో ఈ నివేదికలో తెలిపింది.
2024లో ఢిల్లీ, ముంబై, షిమ్లా, మనాలి వంటి నగరాల కంటే హైదరాబాద్, జైపూర్‌లకు ఎక్కువ ప్రాధాన్యత లభించింది. జైపూర్ దేశంలోనే అగ్ర స్థానంలో నిలిచింది.
ఇతర నగరాలతో పోలిస్తే జైపూర్ ను తక్కువ ఖర్చుతోనే ఎక్స్ ప్లోర్ చేయొచ్చు. అలాగే ఇక్కడ సందర్శించదగిన ప్రదేశాలు చాలా ఉన్నాయి. ఈ కారణాలే జైపూర్ ను మొదటి స్థానంలో నిలిపాయి.
జైపూర్ నగరం చాలా ప్రశాంతంగా ఉంటుంది. వారసత్వ చరిత్ర ఉన్న ఈ నగరంలో హిస్టారిక్ ప్రదేశాలు చాలా ఉన్నాయి. 2024లో జంటలు ఎక్కువ సంఖ్యలో జైపూర్ సందర్శించి, హోటల్స్ ను బుక్ చేసుకున్నారు.
2024ని మతపరమైన పర్యాటక సంవత్సరంగా ఓయో పేర్కొంది. హరిద్వార్, వారణాసి, పూరీ, దేవ్‌ఘర్, గోవర్ధన్ వంటి మతపరమైన ప్రదేశాలను ఈ ఏడాది ఎక్కువ సంఖ్యలో సందర్శించారు.
దేశీయులే కాదు, విదేశీయులు కూడా ఇష్టపడే భారతదేశంలోని ఏకైక నగరం జైపూర్. రాజస్థాన్‌లోని అనేక నగరాలకు ఏడాది పొడవునా విదేశీ పర్యాటకులు వస్తుంటారని పలు గణంకాలు చెబుతున్నాయి.