పాములు ఇంట్లోకి రాకుండా ఉండాలంటే.. ఏం చేయాలి?

సాధారణంగా పాములు ఎక్కువగా బండరాళ్ల సందుల్లో తలదాచుకుంటాయి. కాబట్టి ఇంటి చుట్టు పక్కల ప్రదేశాల్లో రాళ్లు లేకుండా జాగ్రత్తపడాలి. 
 

పాములు ఇంట్లోకి ప్రవేశించే మరో మార్గం డ్రైనేజీ పైపుల ద్వారా. అందుకే డ్రైనేజీలోకి వదిలే పైప్‌కు జాలీ లాంటివి ఏర్పాటు చేసుకోవాలి. 
 

మనలో చాలా మంది మెట్ల కింద ఖాళీ ఉంటుందని పాత వస్తువులను పెడుతుంటారు. అయితే ఇవి పాములకు మంచి ఆశ్రయంలాగా మారుతాయని గుర్తుపెట్టుకోవాలి. 
 

కలబంద, బంతిపూల వంటి వాసన పాములకు నచ్చవు. ఇంటి ప్రాంగణంలో ఇలాంటి మొక్కలను పెంచుకోవడం ద్వారా పాములు దరిచేరకుండా ఉంటాయి. 

ఎలుకలు ఎక్కువగా ఉండే చోట పాములు వచ్చే అవకాశం ఉంటుంది. కాబట్టి ఇంట్లో ఎలుకలు లేకుండా జాగ్రత్త పడాలి. 
 

పాముల అలికిడిని గుర్తించడంలో కుక్కలు బాగా చురుకుగా ఉంటాయి. అందుకే ఇంటి ప్రాంగణంలో పెంపుడు కుక్కలను పెంచుకుంటే పాములను తరిమికొడతాయి. 
 

పాములను తరమికొట్టే రసాయనాలు కూడా మార్కెట్లో అందుబాటులో ఉన్నాయి. వీటి ఇంటి చుట్టూ చల్లితే పాములు ఆ దరిదాపుల్లోకూడా కూడా రావు.