ఈ లక్షణాలున్నాయా? కిడ్నీ సమస్య కావొచ్చు..

రాత్రిపూట తరచూ మూత్ర విసర్జన చేయాల్సి రావడం. మూత్రం వచ్చినట్లు అనిపించినా రాకపోవడం వంటి లక్షణాలు కనిపిస్తే కిడ్నీ సమస్యలకు సంకేతంగా చెప్పొచ్చు. 
 

కిడ్నీ సంబంధిత సమస్యలు ఉన్న వారిలో ఎర్ర రక్తకణాల సంఖ్య తగ్గుతుంది. దీంతో రక్తహీనత సమస్య వస్తుంది. బలహీనత, తలతిప్పడం వంటి లక్షణాలు కనిపిస్తే కిడ్నీ ఆరోగ్యం పాడవుతున్ట్లు భావించాలి. 
 

నిత్యం నోరు చప్పబడినట్లు అనిపించినా, తీసుకుంటున్న ఆహారం రుచి తెలియకపోవడం కూడా కిడ్నీ సమస్యలకు లక్షణంగా చెప్పొచ్చు. 
 

నోటి దుర్వాసన కూడా కిడ్నీ సంబంధిత సమస్యలకు ప్రాథమిక సంకేతమని నిపుణులు చెబుతున్నారు. దీర్ఘకాలం ఈ సమస్య ఉంటే వెంటనే వైద్యులను సంప్రదించాలి. 
 

కిడ్నీ సమస్యలున్న వారిలో వికారం, వాంతి, ఆకలి తగ్గడం వంటి లక్షణాలు కనిపిస్తాయని వైద్యులు చెబుతున్నారు. 
 

కిడ్నీ ఆరోగ్యంలో ఇబ్బందులు ఉంటే చర్మం పొడి బారడం, దురదలు వంటి సమస్యలు వెంటాడుతాయని నిపుణులు చెబుతున్నారు. 
 

పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.