Lifestyle
ఒకేసారి ఎక్కువ మొత్తంలో ఆహారం తీసుకోకూడదు. కొంచెం కొంచెంగా తీసుకోవాలని నిపుణులు చెబుతున్నారు. దీంతో రక్తంలో షుగర్‌ లెవల్స్‌ కంట్రోల్‌లో ఉంటాయి.
ప్రతీ రోజూ వాకింగ్ చేయడాన్ని తప్పగా అలవాటు చేసుకోవాలి. భోజనం చేసిన తర్వాత కచ్చితంగా కొంత దూరమైనా నడవాలని చెబుతున్నారు.
డయాబెటిస్‌ బారిన పడకూడదంటే నిద్ర కూడా ముఖ్యమని నిపుణులు చెబుతున్నారు. కనీసం 8 గంటలు నిద్ర ఉండేలా చూసుకోవాలి.
ఒత్తిడిని తగ్గించుకోవాలి. ఇందుకోసం యోగా, మెడిటేషన్‌ వంటి వాటిని జీవితంలో కచ్చితంగా భాగం చేసుకోవాలని నిపుణులు చెబుతున్నారు.
తీసుకునే ఆహారంలో పసుపు ఉండేలా చూసుకోవాలి. పసుపులోని యాంటీ ఇన్‌ఫ్లమేటరీ, యాంటీ ఆక్సిడెంట్‌ గుణాలు రక్తంలో చక్కెర స్థాయిలను తగ్గిస్తాయి.
రోజూ వెల్లుల్లిని తీసుకోవాలి. రెగ్యులర్‌గా వెల్లుల్లి తినడం వల్ల ఇన్సులిన్‌ ఉత్పత్తిని పెంచుతుంది. ఇది డయాబెటిస్‌ను కంట్రోల్‌లో ఉంచుతుంది.
ఫైబర్ కంటెంట్‌ డయాబెటిస్‌ను కంట్రోల్ చేయడంలో ఉపయోగపడుతంది. ఫైబర్ ఉండే బీన్స్‌ను ఆహారంలో భాగం చేసుకోవాలి.
పైన తెలిపిన వివరాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.