చాణక్య నీతి: ఎవరిని నమ్మినా.. వీళ్లను మాత్రం నమ్మకండి

ఎప్పుడూ విమర్శించే వారిని నమ్మడానికి లేదు. ఎదుకంటే వీరు మన ఆత్మవిశ్వాసాన్ని దెబ్బతీస్తారు. అందుకే ఇలాంటి వారికి దూరంగా ఉండాలని చాణక్యుడు తన నీతి శాస్త్రంలో చెప్పాడు. 

స్వార్థపరుల గురించి ప్రత్యేకించి చెప్పాల్సిన అవసరం లేదు. ఎవరు ఏమైపోతే నాకేమీ..నేను బాగుంటే చాలనుకునే స్వార్థపరులు నిజమైన స్నేహితులు కాలేరు. కాబట్టి వీళ్లకు కూడా దూరంగా ఉండాలి. 

పొగడ్తలకు పొంగిపోయే వారు చాలా మందే ఉంటారు. కానీ మిమ్మల్ని ఎవరైనా అతిగా పొగిడితే మాత్రం జాగ్రత్తగా ఉండండి. ఎందుకంటే వీళ్లు నమ్మకద్రోహులు, స్వార్థపరులంటాడు చాణక్యుడు. 

ఆచార్య చాణక్య నీతి ప్రకారం.. మాట ఇచ్చి దాన్ని మర్చిపోయే వారిని కూడా నమ్మడానికి లేదు. ఇలాంటి వారు మీకు స్నేహితులుగా ఉంటే వారికి దూరంగా ఉండటమే మీకు మంచిది. 

నిజమైన స్నేహితులు ఉండటం చాలా లక్కీ. కానీ మనతో బాగానే ఉంటూ స్వార్థపరులుగా ఆలోచించేవారిని మాత్రం నమ్మడానికి లేదు. ఇలాంటి వారికి దూరంగా ఉండమని చాణక్య నీతి చెబుతోంది. 

మీతో ఉంటూ వేరేవాల్ల గురించి చెడుగా చెప్పేవారు, ఇతరుల ముందు మీ గురించి చెడుగా చెప్తారు. ఇలాంటి వారికి దూరంగా ఉండటమే మంచిదని చాణక్య నీతి చెబుతోంది.