షుగర్‌ పేషెంట్స్‌ డ్రాగన్ ఫ్రూట్ తినొచ్చా?

డయాబెటిస్‌తో బాధపడేవారికి ఆహారం విషయంలో ఎన్నో అనుమానాలు ఉంటాయి. ఏది తినాలన్నా వెనకాముందు అవుతుంటారు. నిజానికి వైద్యులు సైతం బయాబెటిస్‌ పేషెంట్స్‌కు కొన్ని సూచనలు ఇస్తుంటారు. 

సాధారణంగా డ్రాగన్‌ ఫ్రూట్ రుచికి తియ్యగా ఉంటుంది. దీంతో చాలా మంది ఇది తింటే షుగర్‌ పెరుగుతుందనే భావనలో ఉంటారు. కానీ అది కేవలం అపోహ మాత్రమే అని నిపుణులు చెబుతున్నారు. 

రోజుకు వంద గ్రాముల వరకు డ్రాగన్‌ ఫ్రూట్‌ను నిరభ్యంతరంగా తీసుకోవచ్చని నిపుణులు చెబుతున్నారు. దీంతో ఎలాంటి ఇబ్బందులు ఉండవని, పైగా లాభాలు ఉంటాయని అంటున్నారు. 
 

డ్రాగన్‌ ఫ్రూట్‌లో యాంటీ ఆక్సిడెంట్స్‌, పాలీ న్యూట్రియంట్స్, మినరల్స్, విటమిన్స్ పుష్కలంగా ఉంటాయి. ఇవి రక్తంలో చక్కెర స్థాయిలను అదుపులో ఉంచడంలో ఉపయోగపడతాయి. 

ఇందులోని ఫైబర్‌ కంటెంట్‌ జీర్ణ సంబంధిత సమస్యలను దూరం చేయడంలో ఉపయోగపడుతుంది. డయాబెటిస్‌ ఉన్న వారికి ఇది ఎంతో మేలు చేస్తుంది. 
 

ఈ పండులో ఫైబర్‌ కంటెంట్‌ పుష్కలంగా ఉంటుంది. దీంతో ఇన్సులిన్‌ సెన్సిటివిటీని మెరుగుపరుస్తుంది. గ్లూకోజ్‌ శోషణను నియంత్రించడంతో రక్తంలో చక్కెర స్థాయిలను కంట్రోల్‌లో ఉంచుతుంది.
 

ఈ వివరాలన్నీ కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.