కెనడా పీఎం రేసులో ఉన్న అనితా ఆనంద్ ఎవరు?

భారత్‌తో ఉద్రిక్తత నేపథ్యంలో కెనడా PM జస్టిన్ ట్రూడో రాజీనామా చేయడంతో పీఎం రేసులోకి అనితా ఆనంద్ వచ్చారు.

భారతీయ సంతతికి చెందిన అనితా ఆనంద్ ప్రస్తుతం అంతర్గత వాణిజ్య మంత్రిగా, ట్రూడో కేబినెట్‌లో కీలక సభ్యురాలుగా ఉన్నారు. PM పదవికి బలమైన అభ్యర్థి ఆమె.

అనితా ఆనంద్ ప్రముఖ న్యాయవాది, రాజకీయ నాయకురాలు. కెనడా రక్షణ మంత్రిగా కూడా పనిచేశారు. ఆమె తండ్రిది తమిళనాడు, తల్లిది పంజాబ్.

నోవా స్కోటియాలో జన్మించిన అనితా ఆనంద్ 1985లో ఒంటారియోకు వెళ్లారు. అక్కడ భర్త జాన్‌, నలుగురు పిల్లలతో కలిసి ఉంటున్నారు.

2019లో ఓక్‌విల్లే నుండి పార్లమెంటు సభ్యురాలిగా ఎన్నికైన అనితా ఆనంద్.. ట్రెజరీ బోర్డు అధ్యక్షురాలిగా, రక్షన మంత్రి సహా పలు  కీలక శాఖలకు సేవలు అందించారు.

COVID-19 సమయంలో కెనడా ప్రజలకు వ్యాక్సిన్లు, రక్షణ పరికరాలు, రాపిడ్ టెస్టులు అందేలా అనితా ఆనంద్ చాలా కృషి చేశారు.

రక్షణ మంత్రిగా, సైన్యంలో లైంగిక వేధింపుల నిరోధక చర్యలు, సైనిక వ్యవస్థలో మార్పులకు ఆమె కృషి చేశారు.

రష్యా దాడి సమయంలో ఉక్రెయిన్‌కు కెనడా సైనిక సాయం అందించడంలో అనితా ఆనంద్ కీలక పాత్ర పోషించారు.

2024లో అనితా ఆనంద్ కెనడా రవాణా మంత్రిగా, ట్రెజరీ బోర్డు అధ్యక్షురాలిగా నియమితులయ్యారు.

రాజకీయాలతో పాటు, అనితా ఆనంద్ గొప్ప పండితురాలు, న్యాయవాది, పరిశోధకురాలు కూడా. టొరంటో విశ్వవిద్యాలయంలో లా ప్రొఫెసర్‌గా పనిచేశారు.

మసీ కాలేజీ గవర్నింగ్ బోర్డు సభ్యురాలుగా, రాట్‌మన్ స్కూల్ ఆఫ్ మేనేజ్‌మెంట్‌లో పాలసీ, పరిశోధన డైరెక్టర్‌గా పనిచేశారు.

క్వీన్స్ యూనివర్సిటీ నుండి పొలిటికల్ సైన్స్‌లో బ్యాచిలర్ ఆఫ్ ఆర్ట్స్ (ఆనర్స్), ఆక్స్‌ఫర్డ్ నుండి జ్యూరిస్‌ప్రూడెన్స్‌లో బ్యాచిలర్ ఆఫ్ ఆర్ట్స్ (ఆనర్స్) పట్టా పొందారు.

డల్‌హౌసీ యూనివర్సిటీ నుండి లాలో బ్యాచిలర్ డిగ్రీ, టొరంటో యూనివర్సిటీ నుండి మాస్టర్ ఆఫ్ లా పట్టా పొందారు. 1994లో ఒంటారియో బార్‌లో చేరారు.