Entertainment
గత కొన్ని రోజులుగా విశాల్ ఆరోగ్యానికి సంబంధించి పెద్ద ఎత్తున చర్చ సాగుతోన్న విషయం తెలిసిందే. తాజాగా ఆయన పరిస్థితిని చూసిన అభిమానులు ఒకింత షాక్‌కి గురయ్యారు.
మదగజరాజ సినిమా ప్రమోషన్స్‌లో భాగంగా చెన్నైలో జరిగిన ఈవెంట్‌లో పాల్గొన్న విశాల్ మాట్లాడే సమయంలో చేతులు వణుకుతూ కనిపించాయి. అలాగే ఆయన పూర్తిగా సన్నబడ్డారు కూడా.
అయితే విశాల్ ఆరోగ్యం విషయంలో ఎలాంటి భయాలు అవసరం లేదని ఇప్పటికే ఖుష్బుతో పాటు నటుడు జయంరవి సైతం స్పందించారు. కేవలం వైరల్‌ ఫీవర్‌ మాత్రమే అని తెలిపారు.
ఇదిలా ఉంటే విశాల్‌కు సంబంధించిన పాత వీడియోలు కొన్ని నెట్టింట ట్రెండ్ అవుతున్నాయి. వీటిలో భాగంగానే పాత ఇంటర్వ్యూ వీడియో ఒకటి వైరల్‌ అవుతోంది.
గతంలో తాను విపరీతంగా సిగరెట్స్‌ కాల్చేవాడినని, రోజుకు ఏకంగా 20 సిగరెట్స్‌ కాల్చేవాడినని కానీ దానిపై చిరాకు పుట్టగానే కేవలం ఒక్క రోజులోనే ఆ అలవాటును మానుకున్నానని తెలిపారు.
ఆల్కహాల్‌ అలవాటును కూడా అలాగే మానేశానని తెలిపారు. చాలా మంది ఏదైనా బ్యాడ్ హ్యాబిట్‌ను నెమ్మదిగా తగ్గించుకోవాలని చెబుతుంటారని. కానీ తాను మాత్రం ఒక్క రోజులోనే మానేశానన్నారు
ఈ వీడియో సోషల్‌ మీడియాలో వైరల్‌ అవుతోంది. విల్ పవర్‌ ఉంటే ఎలాంటి అలవాటైనా మానొచ్చని విశాల్ చేసి చూపించారు. ఇక విశాల్ త్వరగా కోలుకోవాలని ఆయన ఫ్యాన్స్ కామెంట్స్ చేస్తున్నారు.