ఆన్‌లైన్ లోనే కొత్త పాన్ కార్డుకు అప్లై చేసుకోవచ్చు

పాన్ 2.0 తర్వాత ప్రజలకు చాలా సందేహాలు ఉన్నాయి. కొత్త పాన్ కార్డుకు దరఖాస్తు చేసుకోవాలా? పాత పాన్ కార్డు ఏమవుతుంది? 

QR కోడ్ ఉన్న పాన్ కార్డు వస్తే ప్రస్తుత పాన్ కార్డు పనిచేయదా? ఇలాంటి ప్రశ్నలకు సమాధానాలు ఇక్కడ తెలుసుకోండి.

పాన్ 2.0 ప్రాజెక్ట్ ప్రకారం మీ ప్రస్తుత పాన్ కార్డు చెల్లుబాటులో ఉంటుంది. కొత్త QR కోడ్ పాన్ కార్డు మీ ఈ-మెయిల్‌కే వస్తుంది.

మీకు ఫిజికల్ కార్డు కావాలంటే దరఖాస్తు చేసుకుని రూ.50 చెల్లించాలి.

కొత్త QR కోడ్ పాన్ కార్డుతో గుర్తింపు సులభం అవుతుంది. ఆధార్ కార్డులాగానే QR కోడ్ ఉంటుంది. స్కాన్ చేసి ఆన్‌లైన్‌లో సులభంగా వెరిఫికేషన్ చేసుకోవచ్చు.

ఇప్పటికే పాన్ కార్డు ఉన్నవారు పాన్ 2.0 కోసం దరఖాస్తు చేసుకోవాల్సిన అవసరం లేదు. వారి పాత కార్డు చెల్లుబాటులో ఉంటుంది.

పాన్ కార్డులో ఏదైనా అప్‌డేట్ చేయాలనుకుంటే కొత్తగా వచ్చే కార్డు 2.0 వెర్షన్‌లో ఉంటుంది. దీనికి ఎటువంటి ఫీజు ఉండదు.

PAN, TAN నిర్వహణను ఆధునికీకరించడం, పన్ను చెల్లింపుదారుల డిజిటల్ అనుభవాన్ని మెరుగుపరచడం పాన్ 2.0 ఉద్దేశ్యం.