ఆటోలో మీటర్ మోసాలను ఇలా గుర్తించండి

మీటర్‌లో మార్పులు చేసి ఆటో డ్రైవర్ పర్యాటకులను మోసం చేసిన ఘటన ముంబైలో వైరల్ అయ్యింది.

మీటర్లలో మార్పులు చేయడం వల్ల అవి తప్పుగా పనిచేస్తున్నాయన, ఎక్కువ రీడింగ్ చూపిస్తున్నాయని ముంబై పోలీసులు తెలిపారు. 

తప్పుడు రీడింగులు చూపించే నకిలీ మీటర్లు అమరుస్తున్నట్లు వార్తలు, వీడియోలు వెలుగుచూస్తున్నాయి. 

కొందరు ఆటో డ్రైవర్లు డిజిటల్ మీటర్లలో సాఫ్ట్‌వేర్ మార్పులు చేయిస్తున్నారు. దీని వల్ల అవి ఎక్కువ ఛార్జీలను చూపిస్తున్నాయి. 

ఆటో మీటర్‌లో మార్పు ఉందో లేదో తెలుసుకోవడానికి మీటర్‌లో కుడివైపున చిన్న రెడ్ కలర్ లో ఉన్న చుక్కను చూడండి.

మీటర్‌లో మార్పు ఉంటే ఈ చిన్న ఎర్ర చుక్క మెరుస్తుంది. మార్పు లేకపోతే ఈ చుక్క అసలు కనిపించదు. 

హ్యాండిల్ బటన్ ఆఫ్ చేసిన తర్వాత కూడా ఈ మెరుపు లైట్ వెలుగుతూ ఉంటే అది నకిలీ మీటర్ అని అర్థం. 

కొందరు ఆటో రిక్షాలలో అనేక రకాల మీటర్ సంబంధిత మోసాలకు పాల్పడుతున్నారు. 

కొందరు డ్రైవర్లు మీటర్ వాడటానికి ఇష్టపడక అధిక ఛార్జీలు చెప్పవచ్చు. ముఖ్యంగా చిన్న దూరాలకు, రాత్రి ప్రయాణాలకు ఎక్కువ వసూలు చేస్తారు.

కొంతమంది డ్రైవర్లు నకిలీ లేదా పాత ఛార్జీ చార్టులు చూపించి ఇవే అమలులో ఉన్నాయని చెబుతుంటారు.

సరిగ్గా కాలిబ్రేట్ చేయని మీటర్లు కూడా తప్పుడు ఛార్జీలను చూపిస్తాయి.

డ్రైవర్లు వేచి ఉండే సమయానికి తప్పుడు ఛార్జీలు వేయవచ్చు. లేదా ఆ సమయాన్ని అనవసరంగా పెంచవచ్చు.

ఛార్జీలు పెంచడానికి కొందరు డ్రైవర్లు ఎక్కువ సమయం పట్టే లేదా అనవసరమైన మార్గాల్లో తీసుకెళతారు.