2025లో మీ జీతం ఎంత పెరుగుతుందో తెలుసా?

జీతం తీసుకునే ఉద్యోగులు ఏడాది పొడవునా ఏప్రిల్ కోసం ఎదురు చూస్తారు. మరి ఏప్రిల్ నెల చాలా దగ్గర్లో ఉంది. 

వివిధ పరిశ్రమల్లో పనిచేసే ఉద్యోగులకు 2025లో సగటున 9.4 % వరకు జీతం పెరిగేందుకు అవకాశం ఉంటుంది. 

HR కన్సల్టింగ్ సంస్థ అయిన మెర్సర్ ఇచ్చిన సాలరీ సర్వే ప్రకారం గత ఐదు సంవత్సరాలుగా ఉద్యోగుల జీతాలు నిలకడగా పెరుగుతున్నాయి.

ఈ సర్వే ప్రకారం జీతాల పెరుగుదల 2020లో 8% ఉంది. ఏడాదికేడాది పెరుగుతూ 2025లో 9.4% వరకు ఉంటుందని అంచనా. 

టెక్నాలజీ, యుటిలిటీస్, ఫైనాన్స్, ప్రొడక్షన్, ఆటోమోటివ్, ఇంజనీరింగ్ తదితర రంగాలకు చెందిన 1,550 కంపెనీలు ఈ సర్వేలో పాల్గొన్నాయి.

ఈ సర్వే ప్రకారం ఆటోమోటివ్ పరిశ్రమలోని ఉద్యోగులు 2025లో 10 % వరకు అత్యధిక సగటు జీతం పెరుగుదలను ఆశించవచ్చు.

సర్వే నివేదిక ప్రకారం ప్రొడక్షన్, ఇంజినీరింగ్ రంగాల్లో జీతం పెరుగుదల 8% నుండి 9.7% వరకు ఉంటుందని అంచనా.