ఏ మొనగాడు చేయంది కేసీఆర్ చేస్తుండు...: మునుగోడులో మంత్రి, వృద్దుడి ఆసక్తికర సంభాషణ

మునుగోడు : తెలంగాణలోని ప్రధాన పార్టీలన్ని మునుగోడు ఉపఎన్నికను ప్రతిష్టాత్మకంగా తీసుకున్నాయి. ఇప్పటికే అన్నిపార్టీల లీడర్లు, క్యాడర్ మునుగోడుకు చేరుకుని ప్రచారాన్ని హోరెత్తించారు. ఇలా చండూరు మున్సిపాలిటీలో 2,3 వార్డుల్లో టీఆర్ఎస్ ఇంచార్జీ బాధ్యతలు నిర్వర్తిస్తున్న మంత్రి ఎర్రబెల్లి దయాకరరావు ఇవాళ ఇంటింటి ప్రచారం చేపట్టారు. ఈ క్రమంలో ఓ ఇంటివద్ద వృద్దుడికి, మంత్రికి మధ్య ఆసక్తికర సంబాషణ సాగింది. ముఖ్యమంత్రి కేసీఆర్ ను, టీఆర్ఎస్ పాలనను వృద్దుడు కొనియాడాడు. 70 ఏళ్ల నుంచి రాజకీయాలు చూస్తున్నానని.... కేసీఆర్ లాగా పాలించిన మొనగాడే లేడని అన్నాడు. అందుకే కేసీఆర్ ను గెలిపించుకోవాలని తానే అందరికీ చెబుతున్నానని అన్నాడు. కేసీఆర్ వచ్చినంకనే బువ్వ దొరుకుతోందని... ఆయన లేకపోతే బువ్వ లేదు, బట్ట లేదని అన్నాడు.  ఆయన పోయిన తెల్లారి బువ్వ దొరకదని వృద్దుడు మంత్రి ఎర్రబెల్లికి తెలిపాడు.