చిన్నారులతో రాహుల్ పరుగుపందెం... భారత్ జోడో యాత్రలో సరదా సంఘటన

జడ్చర్ల : కాంగ్రెస్ పార్టీ కీలక నాయకుడు, ఎంపీ రాహుల్ గాంధీ చేపట్టిన భారత్ జోడో యాత్ర తెలంగాణలో కొనసాగుతోంది. ఈ క్రమంలో ఆదివారం రాహుల్ పాదయాత్రలో పాల్గొన్న చిన్నారులతో సరదాగా గడిపారు. స్థానిక చిన్నారులతో కలిసి రాహుల్, రేవంత్ రెడ్డి పరుగుపందెం నిర్వహించారు. రాహుల్, రేవంత్ తో పాటు మరికొందరు కాంగ్రెస్ నాయకులు కూడా చిన్నారులతో పోటీపడి పరుగెత్తారు. ఇలా చిన్నారుల ముఖాల్లో సంతోషం కోసం రాహుల్ పరుగెత్తడం చూసి కాంగ్రెస్ శ్రేణులు కేరింతలు కొట్టారు.