సుభాష్ చంద్ర బోస్ కి INA పగ్గాలను అందించిన రాశ్ బిహారి బోస్

నేతాజీ సుభాష్ చంద్రబోస్ ఇండియ‌న్ నేష‌న‌ల్ ఆర్మీ (ఐఎన్ఏ)కి హృదయం, ఆత్మ అని అందరికీ తెలుసు. కానీ నేతాజీకి ఐఎన్‌ఏ పగ్గాలు అప్పగించింది  మాత్రం బెంగాల్ కు చెందిన మ‌రో బోస్‌.. ఆయ‌నే ప్ర‌ముఖ స్వాతంత్య్ర స‌మ‌ర‌యోధుడు రాష్ బిహారీ బోస్. ఆయ‌న 1886లో కలకత్తాలో జన్మించాడు. చిన్న‌నాటి నుంచి బ్రిటిష్ క్రూర‌త్వం, అణ‌చివేత చ‌ర్య‌ల‌ను చూసిన ఆయ‌న వారికి వ్య‌తిరేకంగా పోరాటం సాగించాల‌ని నిర్ణ‌యించుకున్నారు. పరాయి పాలనను హింసాత్మకంగా పడగొట్టడాన్ని విశ్వసించిన బెంగాల్ విప్లవకారుల ఆరాధకునిగా మారాడు. ఆయ‌న ఫ్రాన్స్, జర్మనీల‌లో మెడిసిన్‌, ఇంజనీరింగ్ రెండింటిలో డిగ్రీలు తీసుకున్న అత్యంత ప్ర‌తిభావంతుడు. దీంతో ఆయ‌న సుల‌భంగానే విలాస‌వంత‌మైన జీవితాన్ని గ‌డ‌ప‌వ‌చ్చు. కానీ ఆయ‌న భార‌త స్వాతంత్య్ర ఉద్య‌మంలో చెర‌గ‌ని ముద్ర వేస్తూ.. ఆంగ్లేయుల‌కు వ్య‌తిరేకంగా విప్లవ పోరాటాన్ని సాగించారు. రాజ్ బిహారీ బోస్‌.. బెంగాలీ రివాల్షనరీలు, జుగంతర్ అనే సంస్థతో క‌లిసి పోరాటం సాగించారు. డిసెంబరు 23, 1912న ఢిల్లీలో గవర్నర్ జనరల్ లార్డ్ హార్డింగ్‌పై విఫలమైన సంచలనాత్మక హత్యాప్రయత్నం వెనుక కూడా బోస్ ఉన్నారు. 1915లో బ్రిటీష్ ఇండియన్ ఆర్మీ లోపల భారత సైనికులు అడ్డుకున్న గద్దర్ తిరుగుబాటులో బోస్ ముందున్నారు. ఉత్తర అమెరికాకు చెందిన గద్దర్ పార్టీ ఈ తిరుగుబాటును నిర్వహించింది. విఫలమైన తిరుగుబాటు తరువాత, జాతీయవాదులు పెద్ద సంఖ్యలో అణచివేత‌కు గుర‌య్యారు. మొదటి లాహోర్ కుట్ర కేసులో విచారించబడ్డారు. బోస్ 1915లో లాలా లజపత్ రాయ్ సలహా మేరకు జపాన్‌కు పారిపోయాడు. భారత స్వాతంత్య్ర‌ పోరాటానికి జపాన్ మద్దతును నిర్వహించడం కోసం బోస్ తన జీవితాంతం గడిపాడు. అతను బ్రిటిష్ వారికి వ్యతిరేకంగా ఆసియా ప్రతిఘటన ఉద్యమాన్ని ప్రచారం చేయడానికి వివిధ ఆగ్నేయాసియా దేశాలలో పని చేయడానికి ఇండియా ఇండిపెన్స్ లీగ్‌ని స్థాపించాడు. రెండో ప్ర‌పంచ యుద్ధ కాలంలో జపాన్ ఆధీనంలో ఉన్న బ్రిటీష్ సైన్యంలోని భారతీయ సైనికులతో కూడిన ఇండియన్ నేషనల్ ఆర్మీని ఏర్పాటు చేయడానికి జపాన్ సైన్యం మద్దతుతో కూడ‌గ‌ట్టాడు. 1943లో బోస్ సుభాష్ బోస్‌ను టోక్యోకు ఆహ్వానించి INA నాయకత్వాన్ని అప్పగించారు. బోస్ ఒక జపనీస్ మహిళను వివాహం చేసుకునీ, అక్క‌డి పౌరసత్వం పొందాడు. రెండవ అత్యున్నత పౌర పురస్కారాన్ని కూడా అందుకున్నారు. 2వ ది ఆర్డర్ ఆఫ్ ది రైజింగ్ సన్  అవార్డు అందుకున్న ఒక సంవత్సరం తర్వాత 1945లో టోక్యోలో మరణించారు.