ఎమ్మెల్యే ఆర్కే చంపాలని చూస్తున్నాడు..: మంగళగిరి టిఎన్ ఎస్ఎఫ్ అధ్యక్షుడి ఆందోళన

మంగళగిరి : వైసిపి ఎమ్మెల్యే ఆళ్ల రామకృష్ఱారెడ్డి  తనను చంపాలని చూస్తున్నాడని మంగళగిరి టిఎన్ ఎస్ఎఫ్ అధ్యక్షుడు రాయపూడి కిరణ్ ఆరోపించారు. ఉండవల్లి గ్రామ పరిధిలో అక్రమంగా గ్రావెల్ క్వారీయింగ్ చేస్తూ వేలకోట్ల అవినీతిపై ప్రశ్నిస్తూ బయటపెడుతున్నాననే తనను అంతమొందించాలని ఎమ్మెల్యే ఆర్కే చూస్తున్నారని ఆందోళన వ్యక్తం చేసారు. తన అనుచరుడైన దుగ్గిరాల జడ్పిటిసి భర్త దాసరి వీరయ్య తనకు ఫోన్ చేసి దుర్భాషలాడాడని... వారం రోజుల్లో లేపేస్తానంటూ బెదిరించాడని మంగళగిరి పోలీసులకు పిర్యాదు చేసాడు కిరణ్. వెంటనే వీరయ్యపై చర్యలు తీసుకుని తనకు రక్షణ కల్పించాలని కిరణ్ కోరాడు.