Nov 1, 2022, 10:09 AM IST
విజయవాడ : గన్నవరం విమానాశ్రయం నుండి అంతర్జాతీయ విమాన సర్వీసులు ప్రారంభమయ్యాయి. ఇవాళ(సోమవారం) షార్జా నుండి గన్నవరం విమానాశ్రయానికి తొలి విమానం చేరుకుంది. ఈ సందర్భంగా విమానాశ్రయంలో ల్యాండ్ అయిన వెంటనే విమానంపై నీళ్లుచిమ్ముతూ ఫైర్ సిబ్బంది రాయల్ వాటర్ సెల్యూట్ పలికారు. అనంతరం ప్రయాణికులకు వైసిపి ఎంపీ వల్లభనేని బాలశౌరి, టిడిపి ఎంపీ కేశినేని నాని పుష్పగుచ్చాలు అందించి స్వాగతం పలికారు.
వారంలో రెండురోజులు (సోమ, శనివారాల్లో) విజయవాడ-షార్జా మధ్య విమాన సర్వీసులు అందుబాటులో వుంటాయని ఎంపీ బాలశౌరి తెలిపారు. ఈ సందర్భంగా విజయవాడ నుండి షార్జా వెళుతున్న ప్రయాణికులకు ముఖ్య అతిథులు బోర్డింగ్ పాసులు అందజేసారు. ఎయిరిండియా విమానంలో షార్జా నుంచి విజయవాడకు 50 మంది రాగా విజయవాడ నుంచి షార్జాకు 125 మంది వెళ్లారు.