మంగళగిరిలో ఘరానా దొంగలు... సిసి కెమెరాలకు చిక్కుకుండా ఏటిఎం చోరీకి యత్నం

గుంటూరు :  సిసి కెమెరాలకు చిక్కకుండా ముగ్గురు ముసుగు దొంగలు మంగళగిరి మండలం నిడమర్రు గ్రామంలోని ఏటిఎంలో దొంగతనానికి ప్రయత్నించారు. గ్రామీణ చైతన్య బ్యాంక్ ఏటిఎంలోకి ప్రవేశించిన ఘరానా దొంగలు సెన్సార్లు పగలగొట్టారు. అయితే డబ్బులుండే మిషన్ ను తెరిచేందుకు ఎంత ప్రయత్నించినా సాధ్యం కాలేదు... దీంతో ఉట్టిచేతులతోనే వెనుదిరిగారు. ఉదయం ఏటిఎం పగిలిపోయి వుడటం చూసినవారు బ్యాంక్ సిబ్బందికి, పోలీసులకు సమాచారం ఇచ్చారు. దీంతో వెంటనే అక్కడికి చేరకున్న పోలీసులు కేసు నమోదు చేసి దర్యాప్తు చేపట్టారు. ఎటిఎంలో నగదు పోకున్నా మిషన్ ధ్వంసమైనట్లు పోలీసులు తెలిపారు.