సింహాద్రి అప్పన్న సన్నిధిలో విదేశీయుల సందడి...

విశాఖపట్నం : ఉత్తరాంధ్రుల ఆరాధ్యదైవం సింహాచలం అప్పన్న సన్నిధిలో విదేశీ టూరిస్టులు సందడి చేసారు. ఆస్ట్రేలియాకు చెందిన టూరిస్ట్ లు భారతదేశ పర్యటనలో భాగంగా విశాఖకు వచ్చారు. ఈ క్రమంలో విశాఖ అందాలను వీక్షిస్తూ సింహాచలం చేరుకున్న టూరిస్టులు వరాహలక్ష్మీనరసింహ స్వామిని దర్శించుకున్నారు. ఆలయానికి చేరుకున్న విదేశీ టూరిస్ట్ బృందానికి అధికారులు, అర్చకులు స్వాగతం పలికారు. దగ్గరుండి స్వామివారి దర్శనం కల్పించి టూరిస్ట్ లతో ప్రత్యేక పూజలు చేయించారు అధికారులు. ప్రాచీన దేవాలయం శిల్పకళను వీక్షించిన టూరిస్ట్ లకు ఆలయ చరిత్రను వివరించారు సింహాచలం అధికారులు.