సీపీఐ నారాయణకు అమెరికాలో అవమానం..ఆరుగంటలపాటు విమానాశ్రయంలోనే..
By SumaBala Bukka | First Published Nov 1, 2022, 7:56 AM ISTసీపీఐ నేత నారాయణను ఫ్లోరిడా ఎయిర్ పోర్టులో ఇమ్మిగ్రేషన్ సిబ్బంది అడ్డుకున్నారు. ఆరుగంటలపాటు విమానాశ్రయంలోనే ఉంచేశారు.
హైదరాబాద్ : భారత కమ్యూనిస్టు పార్టీ అగ్రనేత నారాయణకు చేదు అనుభవం ఎదురయింది. అమెరికాలోని ఫ్లోరిడా విమానాశ్రయ సిబ్బంది ఆయనను అడ్డుకున్నారు. విదేశీ పర్యటనలో ఉన్న నారాయణ.. భారత కాలమానం ప్రకారం సోమవారం రాత్రి క్యూబాలోని హవానా విమానాశ్రయం నుంచి వస్తుండగా ఈ సంఘటన జరిగింది. క్యూబాలో కమ్యూనిస్టు పార్టీ సమావేశాలకు హాజరవడానికి వెళ్ళిన నారాయణ.. అక్కడ ఆ దేశ అధ్యక్షుడితో ఫోటో దిగారు. ఫ్లోరిడా విమానాశ్రయంలో ఆయన ప్రయాణ వివరాలను అడిగిన సిబ్బంది.. ఫోన్ లో క్యూబా దేశ అధ్యక్షుడితో దిగిన ఫోటోను చూసి సుమారు ఆరు గంటలపాటు అక్కడే ఆపేశారు. ఆ తర్వాత పూర్తి వివరాలు తెలుసుకుని వదిలేసినట్లు నారాయణ తెలిపారు. సోమవారం రాత్రి మీడియాకు పంపిన సందేశంలో ఆయన ఈ వివరాలు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి