హైద్రాబాద్ పాతబస్తీలో దారుణం: మైనర్ బాలిక కిడ్నాప్, రేప్,
By narsimha lode | First Published Jun 20, 2022, 10:24 PM ISTహైద్రాబాద్ పాతబస్తీలో ఇంటికి వెళ్తున్న మైనర్ బాలికను కిడ్నాప్ చేసి అత్యాచారానికి పాల్పడ్డాడు. నిందితుడైన ఆటో డ్రైవర్ తో పాటు మరొకరిని పోలీసులు అరెస్ట్ చేశారు.
హైదరాబాద్: Hyderabad నగరంలోని పాతబస్తీలో ఇంటికి వెళ్తున్న Minor బాలికను Kidnap చేసి Rapeకి పాల్పడ్డాడు నిందితుడు. Auto లో బాలికను కిడ్నాప్ చేసిన నిందితుడు అత్యాచారానికి పాల్పడ్డాడు. ఈ ఘటనపై బాధితురాలి కుటుంబ సభ్యులు ఇచ్చిన ఫిర్యాదు మేరకు పోలీసులు ఆటో డ్రైవర్ తో పాటు మరొకరిని Chandrayangutta పోలీసులు సోమవారం నాడు అరెస్ట్ చేశారు.
తెలుగు రాష్ట్రాలతో పాటు దేశంలోని పలు ప్రాంతాల్లో మహిళలు, మైనర్ బాలికలపై అత్యాచారాలు, దాడులు చోటు చేసుకుంటున్నాయి.
Latest Videos
undefined
ఈ నెల 13న ఓ సాఫ్ట్ వేర్ కంపెనీలో పనిచేసే స్నేహితులంతా కలిసి ఓ పబ్ లో బర్త్ డే పార్టీ చేసుకున్నారు. అయితే బాగా ఆలస్యమవడంతో పార్టీలో పాల్గొన్న స్నేహితురాలిని ఇంటివద్ద దింపడానికి కొందరు యువకులు వెళ్లారు. ఇలా వెళ్లినవారిలో ఒకరు యువతి గదిలోకి చొరబడి ఆమెపై అతి దారుణంగా అత్యాచారానికి పాల్పడ్డాడు.
గుజరాత్ రాష్ట్రంలోని వడోదరకు చెందిన యువతి హైదరాబాద్ సెంట్రల్ యూనివర్సిటీలో చదువుకుంది. ఇలా చదువుకోడానికి నగరానికి వచ్చిన యువతికి ఇక్కడే ఓ సాఫ్ట్ వేర్ కంపనీలో కంటెంట్ రైటర్ గా మంచి ఉద్యోగం వచ్చింది. దీంతో చదువు పూర్తయినా ఉద్యోగం చేస్తూ హైదరాబాద్ లోనే వుంటోంది. కూకట్ పల్లి ప్రగతి నగర్ లో ఓ అపార్ట్ మెంట్ లో ప్లాట్ అద్దెకు తీసుకుని వుంటోంది ఈ గుజరాతీ యువతి.
అయితే ఈ నెల 13వ తేదీ స్నేహితురాలి పుట్టినరోజు వుండటంతో జూబ్లీహిల్స్ లోని రిపీట్ పబ్ లో పార్టీ చేసుకున్నారు. అర్థరాత్రి వరకు పబ్ లోనే అంతా ఎంజాయ్ చేశారు. బాగా ఆలస్యం కావడంతో గుజరాతీ యువతిని ఇంటివద్ద దింపడానికి కొందరు స్నేహితులు వెళ్లారు. ఇలా దింపడానికి వెళ్లిన స్నేహితులు రాత్రంతా ఆమె ప్లాట్ లోనే కబుర్లు చెప్పుకుంటూ గడిపారు. తెల్లవారుజామును ఐదుగంటల వరకు ఇలా అందరూ మేలుకునే వున్నారు.
తెల్లవారాక కొందరు స్నేహితులు వెళ్లిపోగా మరికొందరు అక్కడే వున్నారు. యువతి తన గదిలోకి వెళ్ళి పడుకోగా స్నేహితులు హాల్లో పడుకున్నారు. ఇలా యువతి ప్లాట్ లో వుండిపోయిన ఒకడు దారుణానికి ఒడిగట్టాడు. ఒంటరిగా పడుకున్న యువతి గదిలోకి చొరబడ్డ యువకుడు ఆమెపై అత్యాచారానికి పాల్పడ్డాడు. యువతి ప్రతిఘటించడంతో ఆమె మెడ, ఛాతీ బాగంలో గాయాలయ్యాయి.
అత్యాచారం అనంతరం యువకుడు అక్కడినుండి పరారయ్యాడు. దీంతో యువతి వెంటనే పోలీస్ స్టేషన్ కు వెళ్లి తనపై జరిగిన అఘాయిత్యం గురించి ఫిర్యాదు చేసింది. కేసు నమోదు చేసిన పోలీసులు అత్యాచారానికి పాల్పడిన యువతి స్నేహితున్ని అరెస్ట్ చేశారు.
గత నెల మే 28న జూబ్లీహిల్స్ లోని ఆమ్నేసినా పబ్ లో గెట్ టూ గెదర్ పార్టీకి హాజరైన విదేశీ మైనర్ బాలికపై అత్యాచారం రాష్ట్రవ్యాప్తంగా సంచలనం సృష్టించింది. పార్టీ ముగిసిన తర్వాత బాలికను ఇంటి వద్ద దింపుతామని చెప్పి కారులో తీసుకెళ్లిన నిందితులు బాలికపై అత్యాచారానికి పాల్పడ్డారు. ఇలా బాలికపై అత్యాచారానికి పాల్పడినవారిలో రాజకీయ నాయకుల పిల్లలు వుండటంతో ఈ ఘటనపై రాజకీయంగా దుమారం రేపింది.
కారులోనే మైనర్ బాలికపై నిందితులు సామూహిక అత్యాచారానికి పాల్పడ్డారు. అత్యాచారానికి పాల్పడిన తర్వాత బాదితురాలిని నిందితులు పబ్ వద్ద వదిలి వెళ్లారు. ఆ తర్వాత బాలిక ఇంటికి వెళ్లింది. తనపై జరిగిన అఘాయిత్యం గురించి కుటుంబ సభ్యులకు బాలిక చెప్పింది. ఈ విషయమై బాలిక తండ్రి జూబ్లీహిల్స్ పోలీసులకు ఫిర్యాదు చేయడంలో విషయం వెలుగులోకి వచ్చింది.
also read:జూబ్లీహిల్స్ పబ్ లో అర్థరాత్రి పార్టీ... గుజరాతీ యువతిపై స్నేహితుడి అత్యాచారం
ఈ కేసు విషయమై ప్రభుత్వం తీరుపై విపక్షాలు విమర్శలు చేశాయి. ఈ కేసులో నిందితులు ప్రజా ప్రతినిధుల పిల్లలు కావడంతో కేసును నీరుగార్చే ప్రయత్నం చేస్తున్నారని విపక్షాలు ప్రభుత్వంపై విమర్శలు చేశాయి. అయితే ఈ ఆరోపణలను ప్రభుత్వం తోసిపుచ్చింది. విపక్షాలు చేస్తున్న ఆరోపణల్లో వాస్తవాలు లేవని తెలంగాణ రాష్ట్ర హోంశాఖ మంత్రి మహమూద్ అలీ చెప్పారు. ఈ కేసులో ఎవరికి మినహాయింపులు లేవని చెప్పారు. ఇప్పటికే నిందితులను అరెస్ట్ చేసామని మంత్రి అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి