అయోధ్య మారిపోయింది. రామజన్మభూమి అయిన అయోధ్య ఇప్పుడు ఎటు చూసినా వెల్లివిరిసిన ఆధ్యాత్మికతతో విరాజిల్లుతోంది. వచ్చిన వారిని గుండెనిండా భక్తిబావం ఉట్టిపడేలా చేస్తోంది.
అయోధ్య : మీరు ఇంతకు ముందు అయోధ్యకు వెళ్లారా? వెడితే ఇప్పటి అయోధ్యకు.. ఇంతకుముందు అయోధ్యకు జరిగిన మార్పు మీకు స్పష్టంగా అర్థమవుతుంది. ఎటు చూసినా ఆధ్యాత్మికత ఉట్టిపడేలా, భక్తిభావం పెంపొందేలా అయోధ్య సాంస్కృతిక పునరుజ్జీవనం పొందింది. ఈ పరిణామాన్ని ఆసియానెట్ సువర్ణ న్యూస్ ఎడిటర్ అజిత్ హనమక్కనవర్ ఓ వీడియో ద్వారా మనకు అందించారు.
అయోధ్య నడిబొడ్డున రామభక్త హనుమాన్ ఆలయం ఉంది. శ్రీరాముడి వీర భక్తుడు హనుమంతుడు. హనుమంతుడి పేరు లేకుండా రామాయణం లేదు. రాముడిని తలుచుకుంటే హనుమంతుడు గుర్తుకు రాకుండా ఉండడు. ఏషియానెట్ సువర్ణ న్యూస్ ఎడిటర్ అజిత్ హనమక్కనవర్ అయోధ్యలో ఆధ్యాత్మికత, సాంస్కృతిక పరిణామాలను అన్వేషించారు. సరయూ నది ప్రశాంతమైన నేపథ్యంలో రాత్రిపూట ఆకర్షణీయమైన లైట్, సౌండ్ ప్రదర్శనలు అనేక మంది భక్తులను ఆకర్షించేలా ఒక గౌరవప్రదమైన ఆచారం కొనసాగుతోంది.
ప్రతి సాయంత్రం, ఘాట్ లోని ఒక ప్రొజెక్టర్ స్క్రీన్‌పై 20 నిమిషాల పాటు రామాయణ కథనం ప్రసారం చేస్తున్నారు. దీంతో అయోధ్యలో ఆధ్యాత్మిక వాతావరణాన్ని సృష్టిస్తున్నారు. ఈ పవిత్ర దృశ్యానుభవం భక్తులపై గాఢమైన ప్రభావం కలిగిస్తుంది. అది చూసిన ప్రేక్షకుల మనస్సుల్లో లోతుగా చొచ్చుకుపోయి.. భక్తి భావాన్ని కలిగిస్తుంది.
అయోధ్య సాంస్కృతిక పునర్జీజీవనంలో.. అయోధ్య ప్రకృతి దృశ్యంలో పరివర్తనాత్మక మార్పులు స్పష్టంగా కనిపిస్తున్నాయి. ఇందులో ముఖ్యమైనది ఒకప్పుడు నిరాడంబరమైన 10 అడుగుల రహదారిగా ఉన్న రోడ్డు ఇప్పుడు 80-అడుగుల విశాలమైన మార్గంగా మారింది. అయోధ్య వేగంగా మారుతున్న పట్టణ అభివృద్ధికి చిహ్నం. కొత్త దారులు కాంక్రీటుతో నల్లేరుమీద నడకలా మారాయి.
పురాణ రామాయణ ఇతిహాసం స్ఫూర్తితో కొనసాగుతున్న నిర్మాణ పునరుజ్జీవనం కూడా హైలైట్ చేయబడింది. అయోధ్యలోని గృహాలు,భవనాలు పునర్నిర్మాణంలో ఉన్నాయి. ఇవి రాబోయే ఉత్సవానికి ఉత్సాహం, నిరీక్షణను పెంచుతున్నాయి. ప్రత్యేకించి జనవరి 22 కంటే ముందు దేశం అయోధ్యపై దృష్టి పెట్టడానికి సన్నద్ధమవుతోంది.