ఒకటి రెండు కాదు.. ఇంట్లోని చాలా వస్తువులను అసలు... ఇంటి మొత్తాన్ని కూడా ఈ ఒక్కదానితో శుభ్రం చేయవచ్చట. అదెలాగో మనం ఇప్పుడు చూద్దాం...
వంట గురించి ఐడియా ఉన్నవారందరికీ... బేకింగ్ సోడా ఐడియా ఉంటుంది. చాలా రకాల వంట తయారీలో ఈ బేకింగ్ పౌడర్ ని వాడుతూ ఉంటారు. అయితే.. ఈ బేకింగ్ పౌడర్ ని వాడి కేవలం వంట మాత్రమే కాదు... ఇంటి మొత్తాన్ని శుభ్రం చేయవచ్చని మీకు తెలుసా? కొందరికి దీని గురించి ఐడియా ఉండే ఉంటుంది. ఇంట్లో ముఖ్యంగా కిచెన్ లోని కొన్ని వస్తువులను శుభ్రం చేయడానికి బేకింగ్ సోడా వాడతాం. కానీ.. కేవలం ఒకటి రెండు కాదు.. ఇంట్లోని చాలా వస్తువులను అసలు... ఇంటి మొత్తాన్ని కూడా ఈ ఒక్కదానితో శుభ్రం చేయవచ్చట. అదెలాగో మనం ఇప్పుడు చూద్దాం...
మనం ఇంటిని ఎంత శుభ్రంగా ఉంచాలని అనుకున్నా కూడా.. కిచెన్ లో మొండి నూనె మరకలు, టాయ్ లెట్, బాత్రూమ్ లో పేరుకుపోయిన పసుపు మరకలను వదిలించడం మాత్రం అంత ఈజీ విషయం కాదు. వీటిని క్లీన్ చేయడానికి మనం దాదాపు మార్కెట్లో దొరికే కెమికల్ లిక్విడ్స్ వాడుతూ ఉంటాం. అయితే.. ఆ ఘాటైన కెమికల్ లిక్విడ్స్ తో పని లేకుండా.. కేవలం బేకింగ్ సోడాతో వీటిని మళ్లీ కొత్తవాటిలా మెరిపించవచ్చు. కావాలనుకుంటే బేకింగ్ సోడాతో పాటు, ఉప్పు మరియు నిమ్మరసం లేదా బేకింగ్ సోడా, వెనిగర్ , ఉప్పు ఈ మిశ్రమాలను కూడా ఉపయోగించి వంటగదిని శుభ్రం చేసుకోవచ్చు.
బేకింగ్ సోడా :
బేకింగ్ సోడా అనేది ఉప్పు ,క్షార మిశ్రమంతో తయారు చేయబడిన తెల్లటి పొడి పదార్థం. ఇది కొన్ని ఆహార పదార్థాలను పులియబెట్టడానికి , మృదువుగా చేయడానికి ఉపయోగిస్తారు.
వంటగదిని ఎంత శుభ్రంగా ఉంచుకున్నా, వంటగది ప్లాట్‌ఫామ్, స్టవ్ వంటి వాటిపై నూనె మరకలు పడి వంటగది అందాన్ని పాడు చేస్తాయి. వంటగది గోడపై నూనె మరకలు పడితే గోడ రంగు మారి అసహ్యంగా కనిపిస్తుంది. ఈ నూనె మరకలను తొలగించడం చాలా కష్టమైన పని. బేకింగ్ సోడా సహాయంతో ఈ మరకలను చాలా సులభంగా తొలగించవచ్చు.
ఉపయోగించే విధానం :
దీని కోసం ఒక గిన్నెలో కొద్దిగా బేకింగ్ సోడా, నిమ్మరసం, నీళ్లు తీసుకోండి. వాటిని బాగా కలిపి వంటగదిలో నూనె అంటుకుని ఉన్న చోట చల్లాలి. కొద్దిసేపు నాననివ్వండి. తర్వాత గోరువెచ్చని నీటితో శుభ్రంగా తుడవండి. ఇలా చేయడం వల్ల వంటగదిలో ఉండే నూనె అంటుకుపోవడం తగ్గి, ప్రకాశవంతంగా కనిపిస్తుంది.
బాత్రూమ్ నేల , గోడలపై ఉప్పు మరకలు, మురికి మరకలు పడి అసహ్యంగా కనిపిస్తాయి. కానీ బేకింగ్ సోడాతో ఈ మరకలను సులభంగా తొలగించవచ్చు.
ఉపయోగించే విధానం :
బాత్రూమ్ టైల్స్‌పై బేకింగ్ సోడాను మరకలు పడిన ప్రతిచోటా చల్లి కొద్దిసేపు అలాగే నాననివ్వండి, తర్వాత ఎప్పటిలాగే నీటితో బాగా రుద్ది కడిగితే మరకలు, మురికి తొలగిపోయి నేల ప్రకాశవంతంగా కనిపిస్తుంది. కావాలనుకుంటే బేకింగ్ సోడాతో వెనిగర్ లేదా నిమ్మరసం కూడా కలుపుకోవచ్చు.
మనం బాత్రూమ్‌ని ఎక్కువగా ఉపయోగిస్తాం కాబట్టి, దాని కుళాయిల ఉపరితలంపై మురికి, ఉప్పు మరకలు పేరుకుపోయి అసహ్యంగా కనిపిస్తాయి. ఇలా ఉంటే ఇంటికి వచ్చే అతిథులు ముఖం చిట్లించుకుంటారు. అంతేకాకుండా వీటిని శుభ్రం చేయడానికి దుకాణాల్లో రసాయనాలు కొని వాడితే అరిగిపోతాయి. కాబట్టి వీటిని సులభంగా తొలగించడానికి బేకింగ్ సోడా మీకు సహాయం చేస్తుంది.
ఉపయోగించే విధానం :
ఒక గిన్నెలో మూడు స్పూన్ల బేకింగ్ సోడా తీసుకోండి. అందులో కొద్దిగా నీళ్లు పోసి బాగా పేస్ట్ లా కలిపి ఆ పేస్ట్‌ని కుళాయికి పట్టించి దాదాపు అరగంట సేపు అలాగే నాననివ్వాలి. తర్వాత కుళాయిని బ్రష్ సహాయంతో కడగాలి, ఇలా చేస్తే కుళాయిలో ఉన్న మురికి తొలగిపోయి ప్రకాశవంతంగా కనిపిస్తుంది. కావాలనుకుంటే బేకింగ్ సోడాతో నిమ్మరసం కూడా కలుపుకోవచ్చు.
కార్పెట్‌లు కొన్న కొద్ది రోజుల్లోనే వాటిపై మురికి పేరుకుపోయి రంగు మారిపోతుంది. అంతేకాకుండా వీటిని ఉతకడం చాలా కష్టం. కాబట్టి వాటిని సులభంగా శుభ్రం చేయడానికి బేకింగ్ సోడా మీకు సహాయం చేస్తుంది.
ఉపయోగించే విధానం :
దీని కోసం ఒక బకెట్‌లో బట్టలు ఉతికే పౌడర్‌తో పాటు నాలుగు స్పూన్ల బేకింగ్ పౌడర్ , ఒక స్పూన్ వెనిగర్ కలపండి. తర్వాత కార్పెట్‌లను దాదాపు 15 నిమిషాలు నానబెట్టి, తర్వాత ఉతికితే వాటిలో ఉన్న మురికి, బ్యాక్టీరియా తొలగిపోయి కొత్తగా కనిపిస్తాయి.